දේශීය

ප්‍රවීන රංගනශිල්පී ෂාරුක් ඛාන් අද උපන්දිනය සමරයි

අදට අවුරුදු 57 ක් වෙන ෂාරුක් ඛාන් කියන්නේ මේ වෙනකොට ඇමරිකානු ඩොලර් මිලියන 700කට වඩා වැඩි වත්කමක් හිමි ලොව ධනවත් නළුවන් ලැයිස්තුවේ තෙවැනි තැනට පත්ව සිටින නළුවා වෙනවා. අද ෂාරුක් ඛාන් කියන නම මුළු ලෝකයම දන්නවා වුනාට 1991 දී අවුරුදු 26ක් වුණු ෂාරුක් කියන තරුණයා එදා මුම්බායි නුවරට එනකොට ඔහු සතු එකම වත්කම ඔහුගේ කමිස සාක්කුවේ තිබුණු ඉන්දියානු රුපියල් 1500ක මුදල පමණයි.

ෂාරුක් එදා මුම්බායි නුවර මුහුදට මුහුණලා ඇති ප්‍රසිද්ධ මැරීන් ඩ්‍රයිව් හීදි මුහුදත් එක්ක ඈතින් පේන මුම්බායි නගරය දෙස බලාගෙන හිතලා තියෙන්නේ,

“මම කවදා හරි මේ නගරය පුරා මගේ නම පතුරවනවා”

කියන වචන ටිකයි.අද මුම්බායි නුවර සුවිශාලතම මන්දිරයේ ඉඳන් ඔහු අත වනමින් සිය ආචාරය පුද කරන්නේ ලෝකය පුරාවට පැතිර ගිය ඒ ෂාරුක් නාමයට හද බැඳගත් සුවහසක් රසිකයන් වෙනුවෙන් වෙයි.

“මගේ දෙමාපියන් ඉක්මනටම යන්න ගියා.එයාලාට පිළිකාවක් තියෙනවා කියලා දැනගෙන මාස දෙකහමාරකදී වගේ එයාලා නැති වුනා.මං හිතාගන්න බැරි වුනා මං මොකද්ද කරන්නේ කියලා.එක දවසක් රෑ එයාලගේ සොහොන ළඟදී මම හිතා ගත්තා මොකක් හරි දේකින් මේ අඩුව පුරවගන්න ඕන කියලා.මට වාසනාවකට ඒ වෙනුවෙන් චිත්‍රපට වල අවස්ථාවක් ලැබුණා.මට රංගනය කියන්නේ වෘත්තිය විතරක් නෙවෙයි.මගේ හැඟීම් පිටකරන්න තියෙන තැනක්.”

90,2000 දශකයේ රූපවාහිනිය ඉදිපිට ෂාරුක්ගේ චිත්‍රපට නරඹපු ෂාරුක්ගේ රසිකයන්ට වගේම බොලිවුඩ් ප්‍රේක්ෂකයන්ට , ආදරය ආදරය විදියටත් විරහව විරහව විදියටත් හදවතට සමීප වෙන්න හේතුවක් වෙන්න ඇත්තේ ඔහුගේ ඒ වෘත්තියෙන් එහාට ගිය රංගනයේ අභිප්‍රාය නිසා වෙන්නට පුළුවන්..

මුලදී ක්ෂේත්‍රයේ අනිත් ජනප්‍රිය නළුවන් ප්‍රතික්ෂේප කරපු චරිත ඔහුට භාරගන්න සිදුවුනත් ලැබෙන ඕනෑම චරිතයක් හරහා ප්‍රේක්ෂකයාගේ හදවත් දිනාගැනීමට ඔහු සමත් වුණු බව නොරහසක්. ෂාරුක්ගේ සිනමා දිවියේ ආරම්භයේ සිටම ඔහු ලැබෙන චරිතයට කොපමණ සාධාරණයක් ඉටු කලේද යන්න සම්මාන වලටත් වඩා අදත් ඒ චරිත අපේ හිත් වල සලකුණු වි තිබීමම ප්‍රමාණවත් වෙනවා කියලා හිතනවා.

පුරා දශක තුනකට ආසන්න කාලයක් බොලිවුඩයේ ප්‍රේමයේ රජු විදියට ප්‍රේක්ෂක ආකර්ෂණයට හා ජනාදරයට පාත්‍ර වු ෂාරුක් ඛාන් , අද වෙනකොට ලෝකයේ වැඩිම රසික පිරිසක් හිමි තරුව විදියට ඉමහත් ජනප්‍රියතාවයක් දිනාගනිවී කියලා එදා මැරීන් ඩ්‍රයිව් වල ඉඳන් මුම්බායි නගරය දිහා බලන් හිටපු තරුණයා ⁣හීනෙකින්වත් නොසිතන්න ඇති.

අධිෂ්ඨානය, වීර්යය , කැපකිරීම් හා උත්සහයෙන් තමන්ගේ නම සලකුණක් බවට පත් කරගත් ෂාරුක් ලෝකයේ දක්ෂතම නළුවා හෝ හොඳම නළුවා නොවෙන්නට පුළුවන්… නමුත් ඔහු නළුවන් අතර සැබෑ තරුවක්..

අවසාන වශයෙන් ෂාරුක්ගෙ සමකාලීන රංගන ශිල්පියෙක් වන අමීර් ඛාන් ෂාරුක් ගැන සඳහන් කරන ආකාරයකින් ලිපිය අවසන් කරන්නම්..

Forrest Gump චිත්‍රපටයේ විදියට පුංචි ගම්ප් තමයි එල්විස් ප්‍රෙස්ලිට ඩාන්ස් මුව්මන්ට් උගන්වන්නේ.Forrest Gump ෆිල්ම් එකේ රීමේක් එක වුන Laal Singh Chaddha ෆිල්ම් එකේ ඒ කොටස විදියට පුංචි චාඩ්ඩා තමයි ෂාරුක් ඛාන්ගෙ Iconic Pose එක උගන්වන්නේ.

මේ කැමියො එක වෙනුවෙන් අමීර්ඛාන් ෂාරුක් ඛාන්ව හම්බවෙන්න ගිය විදිය ගැන කියන්නේ මෙහෙමයි..

“ෂාරුක් කියන්නේ යාළුවෙක්.මං එයාට කිව්වා එල්විස් ප්‍රේස්ලි ඇමරිකාව නියෝජනය කලා වගේ , ඉන්දියාවේ ඉන්න Biggest Iconic තරුව මට පෙන්වන්න ඕන,එ් නිසා මං ඔයා ළඟට ආවා කියලා.”

-අනුෂ්ක රසාංජන ද සිල්වා-

Recent Posts

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

6 days ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

7 days ago

Anyone Can Post, But Should Everyone Be Believed?

One Lie is Small. A Pyramid of Them Looks Like the Truth. By Dinesh Abeywickrama…

7 days ago

ආසියා ශාන්තිකර කලාපීය විද්‍යුත් විකාශකයින්ගේ සංගමයේ මහා සමුළුවේ සමාරම්භක උත්සවය ජනපති ප්‍රධානත්වයෙන්

කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…

2 weeks ago

ජ්‍යෙෂ්ඨ නීතිඥ ලාල් විජේනායකගේ දේහයට ජනපති අවසන් ගෞරව දක්වයි

ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…

2 weeks ago

ප්‍රදේශ කිහිපයක අදත් හවසට වැස්ස

බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…

2 weeks ago