ආර්ථික ගැටලුව සහ රටේ දේශපාලන ක්රමය බහුතරයක් ප්රතික්ෂේප කිරීම යන ප්රධාන ප්රශ්න දෙක රට තුළ පවතින බව ජනාධිපතිවරයා පවසනවා.
ආර්ථික කඩාවැටීමකට හේතුව මෙරට පවතින දේශපාලන ක්රමය බව බොහෝ දෙනෙක් පිළිගන්නා බවත් එම ආර්ථක ක්රමය පිළිබඳව සහ ගතහැකි පියවර ගැන තමන් මීට පෙර පාර්ලිමේන්තුව තුළදී කතාකර ඇති බවත් ජනාධිපතිවරයා ප්රකාශ කළා.
රටේ බහුතරයක් අද තිබෙන දේශපාලන ක්රමය තුළින් රටට සෙතක් වෙනවද, යන්න ප්රශ්න කරන සිටින බව ජනාධිපතිවරයා පැවසුවා.
2017 සිට පාර්ලිමේන්තුවේ ඉන්න 225ම දියවන්නාවට දැමිය යුතු බව ජනතාව ප්රකාශ කරන්නේ, පුද්ගලයන් නොව මෙරට දේශපාලන ක්රමය ජනතාව පිළිනොඟන්නා නිසා බව ජනාධිපතිවරයා පවසනවා. අද පවතින දේශපාලන ක්රමය ගැන බොහෝ අයට ප්රශ්න ඇතිවී ඇති බවත් පිළිගැනීමක් නැති බවත් ජනාධිපතිවරයා පෙන්වා දෙනවා.
ආර්ථිකය කඩාවැටීම නිසා ගෙවුණු මාර්තු මාසයේදී උද්ඝෝෂනයන් ආරම්භ කළේ දේශපාලන පක්ෂ නොව ජනතාව එකතුවී බවත් පසුව එක එක දේශපාලන පක්ෂ සංවිධානයන් විසින් උද්ඝෝෂණ ව්යාපාරය ඔවුන්ගේ අතට ගනිමින් ප්රචණ්ඩත්වය එතුළට ඇතුළත් කළ බව ජනාධිපතිවරයා සඳහන් කරනවා. එම දේශපාලන කණ්ඩායම් නිසාම එදා ගෙන ගිය ජනතා අරගලය කඩා වැටුණු බව ජනාධිපතිවරයා ප්රකාශ කළා.