මෙරට ණය ප්රතිව්යුහගතකිරීම සම්බන්ධයෙන් ජනාධිපතිවරයා විසින් අද (06) පාර්ලිමේන්තුව තුළදී විශේෂ ප්රකාශයක් සිදු කරනු ලැබුවා.
සිංගප්පූරුව සමඟ අත්සන් කර ඇති නිදහස් වෙළඳ ගිවිසුම පසුගිය කාලයේ නිසි ආකාරයෙන් ක්රියාත්මක නොවුණු බවත් එම ගිවිසුම නැවත පණගැන්වීම මෙරටට ආර්ථික සහනයන් ලබා ගැනීමට වැදගත් බව ජනාධිපතිවරයා පවසනවා.
ජපානය සමඟ කළ සාකච්ඡාවලදී ශ්රී ලංකාවේ ආයෝජනයන් පුළුල් කරලීම උදෙසා ජපානයේ සහයෝගය හිමි වන බව ජපානය ප්රකාශ කළ බව ජනාධිපතිවරයා පවසනවා.
ජපාන අගමැතිවරයා, විදේශ අමාත්යාවරයා සහ ජපාන මුදල් අමාත්යවරයා සමඟ තමන් සිදු කළ සාකච්ඡා වලදී ශ්රී ලංකාවේ ණය ප්රතිව්යුහගතකිරීම සඳහා ජපානය මැදිහත් වීමටත් ශ්රී ලංකාව, ණය ලබාදුන් රටවල් සමඟ පවත්වන සමුළුවේ සම සභාපතීත්වය දැරීමටත් ජපානය එකඟවූ බව ජනාධිපතිවරයා පැවසුවා.
වීනය සමඟ ද මූලික සාකච්ඡා ආරම්භ කර ඇති බව පවසන ජනාධිපති වරයා, ශ්රී ලංකාවේ ණය ප්රතිව්යුහගතකිරීම සම්බන්ධයෙන් චීනය සමඟ සාකච්ඡා කිරීමට ජපානය මැදිහත් වන බවට පවසා තීබීම යහපත් දෙයක් බව පෙන්වා දෙනවා. මෙම අසීරු අවස්ථාවේ චීනයේ සහය මෙරටට හමිවෙන බව එතුමා පැවසුවේ.
ඉන්දියාව සමඟ ද මේවන විට සාකච්ඡාවන් ආරම්භ කළ බව ජනාධිපතිවරයා පවසනවා. මෝදී අගමැතිවරයාගේ සහයෝගය ශ්රී ලංකාවට හිමි වන බවත් ඉන්දියාව විසින් පසුගිය කාලයේදී මෙරටට ලබාදුන් ආධාර සම්බන්ධයෙන් තමන් ඉන්දියාවට ස්තූතියි පළ කර සිටි බවත් ජනාධිපතිවරයා පැවසුවා.
ආර්ථික අර්බුදයෙන් ගොඩ ඒම සඳහා තමා ඇතුළු රජය ගෙන යන වැඩපිළිවෙළ ගැන රාජ්ය නායකයන් හමුවූ අවස්ථාවන්හීදී දැනුවත් කළ අතර එහිදී ශ්රී ලංකාවට සහය දැක්වීම සඳහා එම රාජ්ය නායකයන් කැමැත්ත ප්රකාශ කළ බව ජනාධිපතිවරයා පවසනවා.
ජපානය, චීනය, ඉන්දියාව මූලික කරගනිමින් ණය ලබාදුන් අනිකුත් රටවල් සමඟ බහුපාර්ශ්වීය පොදු එකඟතාවයකට පැමිණීම අරමුණ බවත්
ණයලබාදුන් රටවල් සහ පුද්ගලික ණයහිමියන් සමඟ එලෙස එළබෙන එකඟත්වය තුලින් ජාත්යන්තර මූල්ය අරමුදලේ සහතිකය ලබාගැනීමට හැකි බවත් ජනාධිපතිවරයා ප්රකාශ කර සිටියා.
ජාත්යන්තර මූල්ය අරමුදලේ පහසුකම් ලබාගත් පසු ලෝක බැංකුව සහ ආසියානු සංවර්ධන බැංකුව ඇතුළු ආයතන වලින් අතරමැදි මූල්ය පහසුකම් ලබාගැනීමට අපේක්ෂා කරන බව ජනාධිපතිවරයා ප්රකාශ කළා.
විවිධ උපාය මාර්ග ඔස්සේ මෙරට සංචාරක කර්මාන්තය යළි නඟාසිටුවීම මෙන්න පුද්ගලික අංශයන්ගේ මුදල් සංචිත ඉහළ නැන්වීම සහ විදේශ සංචිත වැඩිකිරීම අරමුණ වන බව ජනාධිපතිවරයා පැවසුවා.
ලබන වසර අඟ පමණ වන විට රුපියල ශක්තිමත් කර ගනිමින් මෙරට ආර්ථිකයේ කිසියම් ස්ථාවරත්වයක් ඇතිකරගැනීමට හැකි බවයි ජනාධිපතිවරයා මෙහිදී වැඩිදුරටත් ප්රකාශ කර සිටියේ.
ඇමරිකානු ජනාධිපති ඩොනල්ඩ් ට්රම්ප් තමන් ජේසුස් බවට අර්ථ ගන්වන ජයාරූපයක් සිය සමාජ මාධ්ය ගිණුමට එක්කර…
අද (11) මධ්යම රාත්රියේ සිට බලපැවැත්වෙන පරිදි QR ක්රමවේදයට කෝටා ක්රමයට වාහනවලට පෙට්රල් නිකුත් කිරීම…
අර්බුදය හමුවේ ජනතාවට සහන සැලසීමට ජනපතිගෙන් මාස තුනක් සඳහා රුපියල් බිලියන 100ක සහන පැකේජයක් මැයි…
ශ්රී ලංකාවේ රග්බි ක්රීඩාව වර්ධනය කිරීමේ අරමුණින් කටයුතු කරන බව පවසමින්, එයට විරුද්ධව ක්රියා කරන…
ඉරාන නායකයින් සාකච්ඡාවලට පිවිස ඇති නමුත් ඔවුන් එය ප්රකාශ කිරීමට බියෙන් පසුවන බව ඇමරිකානු ජනාධිපති…
ලෝක වනාන්තර දිනයට සමගාමීව වනාන්තර 50ක් රක්ෂිත ලෙස ප්රකාශයට පත් කිරීමට අදාළ ගැසට් පත්රයට අත්සන්…