දේශීය

හමුදා සෙබළෙකු දුම්රියට බෙල්ල තියයි

හෝමාගම ගලවිලවත්ත පින්කෙත ප්‍රදේශයේදී දුම්රියට ගෙල තබා යුද හමුදා සෙබළෙක් සියදිවි හානි කරගෙන ඇතැයි හෝමාගම පොලිසිය පවසයි.

අනතුරෙන් මියගිය පුද්ගලයාගේ ගෙල සිරුරෙන් වෙන් වී තිබූ බවද පොලිසිය කියයි.

මෙසේ මියගොස් ඇත්තේ බිබිල, මාලිගාතැන්න පාර, නාගල, ප්‍රදේශයේ පදිංචි හේරත් මුදියන්සේලාගේ අසේල ගීතාල් ප්‍රේමරත්න නමැති (29) හැවිරිදි විවාහකයකු බව පොලිසිය සඳහන් කරයි. මෙම පුද්ගලයා පනාගොඩ යුද හමුදා කඳවුරට අනුයුක්තව සේවය කර ඇති අතර, රාජකාරි අවශ්‍යතාව සඳහා සිය බිරිඳ සමඟ හෝමාගම අතුරුගිරිය පාරේ නිවසක තාවකාලිකව පදිංචිව සිට ඇතැයි පැවසේ.

මේ අතරතුරදී මෙම පුද්ගලයා හෝමාගම සහ ගලවිලවත්ත දුම්රිය ස්ථාන දෙක අතර පිහිටි පිංකෙත ප්‍රදේශයේ හුදකලා ස්ථානයකදී ඉකුත් 05දා උදෑසන 8.30 පමණ අවිස්සාවේල්ලේ සිට කොළඹ කොටුව බලා ධාවනය වෙමින් තිබූ දුම්රියට ගෙල තබා මෙසේ සියදිවි හානි කරගෙන ඇති බව පොලිසිය කියයි.

ඒ අනුව සිරුර සහ සිරුරෙන් වෙන් වී තිබූ හිස කොටස එම දුම්රියෙන්ම ගෙන ගොස් කොට්ටාව දුම්රිය ස්ථානයට භාරදීමට පියවර ගෙන තිබුණි.

මෙම යුද හමුදා සෙබළාගේ සියදිවි හානිකර ගැනීමට හේතුව මෙතෙක් අනාවරණය වී නොමැති අතර මෘත දේහය පිළිබඳ පශ්චාත් මරණ පරීක්ෂණය හෝමාගම හදිසි මරණ පරීක්ෂක සාම විනිසුරු චින්තක උදය කුමාර මහතා විසින් හෝමාගම මූලික රෝහලේ හදිසි මරණ පරීක්ෂණ අධිකරණයේදී (6) දා සිදුකිරීමට නියමිතව තිබුණි.

සිද්ධිය සම්බන්ධයෙන් හෝමාගම මූලස්ථාන පොලිසියේ ප්‍රධාන පොලිස් පරීක්ෂක තුසිත වික්‍රමරත්න මහතාගේ උපදෙස් මත පො.කො (77813) තලවත්ත නිලධාරීහු පරීක්ෂණ පවත්වති.

කොට්ටාව ප්‍රදීප් කුමාර

උපුටා ගැනීම දිනමිණ පුවත්පත

Recent Posts

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

6 days ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

7 days ago

Anyone Can Post, But Should Everyone Be Believed?

One Lie is Small. A Pyramid of Them Looks Like the Truth. By Dinesh Abeywickrama…

7 days ago

ආසියා ශාන්තිකර කලාපීය විද්‍යුත් විකාශකයින්ගේ සංගමයේ මහා සමුළුවේ සමාරම්භක උත්සවය ජනපති ප්‍රධානත්වයෙන්

කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…

2 weeks ago

ජ්‍යෙෂ්ඨ නීතිඥ ලාල් විජේනායකගේ දේහයට ජනපති අවසන් ගෞරව දක්වයි

ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…

2 weeks ago

ප්‍රදේශ කිහිපයක අදත් හවසට වැස්ස

බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…

2 weeks ago