තරුණ ජනමාධ්‍යවේදීන්ගේ සංගමයයෙන් මානව හිමිකම් කොමිසමට ලිපියක්

සභාපති සහ කොමාසරිස්වරුන්,
ශ්‍රී ලංකා මානව හිමිකම් කොමිෂන් සභාව,
කොළඹ.

මහත්මයාණෙනි, මහත්මියනි,

අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කරුට එරෙහිව ත්‍රස්තවාදය වැලැක්වීමේ පනත යටතේ කටයුතු කිරීමෙන් වලකින ලෙස රජයට දැනුම් දීම

මහේස්ත්‍රාත් අධිකරණයට පොලිසිය වාර්තා කළ කරුණු මත ලබාගත් වරෙන්තුවකට බව කියමින් ඊයේ (18) කොළඹදී අත්අඩංගුවට ගෙන පෑලියගොඩ පොලිසියේ රඳවා තබාගෙන සිටි අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කරු වසන්ත මුදලිගේ ත්‍රස්තවාදය වැලැක්වීමේ පනත යටතේ රඳවාගෙන ප්‍රශ්න කිරීමට සූදානම් වන බව අපට වාර්තා වී තිබේ.

රටේ ඇතිවූ ආර්ථික සහ දේශපාලන අර්බුදයට එරෙහිව විරෝධතා පැවැත්වීම මත ඔහුට එරෙහිව පොලිසිය අධිකරණය කරුණු වාර්තා කර ඔහුගේ භාෂණයේ සහ ප්‍රකාශනයේ නිදහස හීන කිරීමට උත්සාහ කිරීමට අමතරව විශේෂ නීතියක් යටතේ රඳවා තබා ගැනීමට උත්සාහ කිරීම බරපතල තත්ත්වයකි.

එසේ හෙයින් කඩිනමින් මැදිහත්වී, විශේෂ නීතියක් යටතේ ඔහුට එරෙහිව කටයුතු කිරීම නතර කිරීමට ශ්‍රී ලංකා පොලිසියට නිර්දේශ කරන ලෙස ඉල්ලා සිටිමු.

ස්තුතියි.

මෙයට,
විශ්වාසී,

තරිඳු ජයවර්ධන
තරුණ ජනමාධ්‍යවේදීන්ගේ සංගමය වෙනුවෙන්

උපුටා ගැනීම