හිටපු පාර්ලිමේන්තු මන්ත්රී රන්ජන් රාමනායක හට ජනාධිපති සමාව ලබාදීම සඳහා අවශ්ය අධිකරණ අමාත්යාංශයේ නිර්දේශ ජනාධිපතිවරයා වෙත ඉදිරිපත් කළ බව අධිකරණ අමාත්ය විජේදාස රාජපක්ෂ පවසනවා.
බන්ධනාගාර කොමසාරිස් වරයාගේ වාර්තාව සහ නිතීපතිවරයාගේ උපදෙස් මත යම් කොන්දේසියකට යටත්ව ජනාධිපති සමාව ලබාදීම සඳහා වූ නිර්දේශය ජනාධිපතිවරයා වෙත මේ වන විට ඉදිරිපත් කර ඇති බව එතුමා වැඩිදුරටත් ප්රකාශ කර සිටියා.
හිටපු පාර්ලිමේන්තු මන්ත්රී රන්ජන් රාමනායක විසින් අධිකරණය සම්බන්ධයෙන් සිදුකළ ප්රකාශය පිළිබඳව කණගාටුව ප්රකාශ කර දිව්රුම් ප්රකාශයක් ඉදිරිපත් කිරීමෙන් අනතුරුව ජනාධිපතිවරයා විසින් හිටපු අමාත්ය රන්ජන් රාමනායක හට සමාව ලබා දිය හැකි වන බවයි අධිකරණය අමාත්ය විජේදාස රාජපක්ෂ එහිදි ප්රකාශ කර සිටියේ.
