ගාලුමුවදොර අරගල භූමියේ අනවසර ඉදිකිරීම් ඉවත් කිරීම සම්බන්ධයෙන් ලබන අගෝස්තු 10 වනදා දක්වා නීතිමය ක්රියාපටිපාටියෙන් පරිභාහිර කිසිදු ක්රියාමාර්ගයක් නොගන්නා බවට නීතිපති විසින් අභියාචනාධිකරණයට ප්රතිඥාවක් ලබා දී තිබෙනවා.
මේ සම්බන්ධයෙන් පොලිස්පතිවරයාට අවශ්ය උපදෙස් කඩිනමින් ලබා දෙන බවයි නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල්වරයා සඳහන් කර ඇත්තේ. ගාලුමුවදොර අරගල භූමියේ අනවසර ඉදිකිරීම් සහ වගාවන් අද සවස 05.00 ට පෙර ඉවත්කරගන්නා ලෙස පොලිසිය විසින් දැනුම්දී තිබූ අතර එම නියෝගයට එරෙහිව ගොනු කළ පෙත්සම කැඳවූ අවස්ථාවේදී මේ බව දැනුම් දී තිබුණා.
