වැඩ බලන ජනාධිපතිවරයා ලෙස පත්වු රනිල් වික්රමසිංහ මහතා විශේෂ ප්රකාශයක් ඉදිරිපත් කළා. 19 වන ආණ්ඩුක්රම ව්යවස්ථාව යළි පූර්ණ කිරීමට තමන් කටයුතු කරන බව පවසන එතුමා කිසිදු කණ්ඩායමකට පාර්ලිමේන්තු ප්රජාතන්ත්රවාදය උල්ලංඝනය කිරීමට ඉඩ නොතබන බව ද ප්රකාශ කර සිටියා. සාමකිමීව ප්රජාතන්ත්රවාදය සුරැකෙන ලෙස උද්ගෝෂණය කිරීමේ අයිතිය පිළිගන්න නමුත් ඇතැමුන් විසින් කඩාකප්පල්කාරි ක්රියා සිදුකිරිම කිසිසේත් පිළිගත නොහැකි බව අවධාරණය කර සිටියා.
කැරලිකරුවන් හා අරගලකරුවන් අතර විශාල වෙනසක් පවතින බව සඳහන් කරන එතුමා කැරලි කරුවන් අත්තඩංගුවට ගැනීමට වහාම කටයුතු කරන බවත් අරගලකරුවන් සමඟ නීතිය හා සාමය ආරක්ෂා කිරීමට එතුමා බැදී සිටින බවත් සඳහන් කරනවා. රට තුල නීතිය ආරක්ෂා කිරිම සඳහා ආරක්ෂක මාණ්ඩලික ප්රධානී ඇතුළු නව කමිටුවක් පිහිටුවා ඇති අතර සියලු පක්ෂ මතිමතාන්තර දුරලා සියලු දෙනා රට වෙනුවෙන් එක්ව කටයුතු කළ යුතු බව වැඩ බලන ජනාධිපතිවරයා ප්රකාශ කර සිටියා. අතිගරු ජනාධිපති වශයෙන් ජනාධිපතිවරයා හැදින්වීමට යොදාගන්නා අතිගරු නාමය හා ජනාධිපති කොඩිය ඉවත් කිරීමට තමන් පියවර ගන්නා බව ද එතුමන් ප්රකාශ කර සිටිනවා.
