19 වැනි ව්යවස්ථා සංශෝධනය අත්යවශ්ය හා කාලීන සංශෝධන සහිතව බලාත්මක කිරීමේ යෝජනාව අගමැති මහින්ද රාජපක්ෂ මහතා අද (25) කැබිනට් මණ්ඩලයේ අනුමැතියට ඉදිරිපත් කිරීමට නියමිතව තිබේ.
රට හමුවේ පවතින අභියෝගය ජය ගැනීම සඳහා ගත යුතු කෙටි කාලීන මෙන්ම දිගු කාලීන විසඳුම් සම්බන්ධයෙන් අදහස් පළ කරමින් අගමැතිවරයා නව ව්යවස්ථා සංශෝධනය පිළිබඳ පසුගිය 19 දා පාර්ලිමේන්තුවේදී අදහස් පළ කළේය.
ආර්ථික අර්බුදයට විසඳුම් සොයන විට ඒ සඳහා අපේ රටේ ආර්ථික, දේශපාලන හා සමාජීය ස්ථාවරත්වයත් ඉතා වැදගත්. ඒ සඳහා ගත හැකි කඩිනම් හා ප්රායෝගික විසඳුම ලෙස ආණ්ඩුක්රම ව්යවස්ථා සංශෝධනයක් ඇති විය යුතු යැයි තමන් විශ්වාස කරන බව අගමැතිවරයා එහිදී ප්රකාශ කළේය.
එහි ආරම්භක පියවර ලෙස දහනව වැනි ආණ්ඩුක්රම ව්යවස්ථා සංශෝධනය අත්යවශ්ය හා කාලීන සංශෝධන සහිතව ප්රජාතන්ත්රවාදීව බලාත්මක කිරීම කෙටි කාලීනව ගත හැකි කාලෝචිතම විසඳුම බව තමන්ගේ විශ්වාසය යැයි රාජපක්ෂ මහතා පෙන්වා දුන්නේය.
ඒ ඔස්සේ යමින් ජනාධිපතිවරයාගේ ද ආශිර්වාදය ඇතිව පුළුල් නව ආණ්ඩුක්රම ව්යවස්ථා සංශෝධනයක් දක්වා අප ගමන් කළ යුතු වෙන බවත් ඒ වෙනුවෙන් අප ගන්නා වෑයමට පක්ෂ විපක්ෂ භේදයකින් තොරව ඔබ සැමගේ සහායත්, ජනතා ආශිර්වාදයත් ලැබෙනු ඇතැයි අපේක්ෂා කරන බවත් අගමැතිවරයා ප්රකාශ කළේය.
නුවන් කොඩිකාර DINAMINA