මොඩර්නා එන්නතෙහි ‘අපද්රව්ය’ ඇති බවට හඳුනා ගැනීමෙන් පසු එම එන්නතේ මාත්රා මිලියන 1.63ක් භාවිතයෙන් ඉවත් කිරීමට ජපානය තීරණය කර තිබේ.
ජපාන සෞඛ්ය අමාත්යංශය නිවේදනය කර ඇත්තේ, මොඩර්නා එන්නත අඩංගු ඇසුරුම් 560,000ක් පමණ තිබූ එන්නත් තොගයක අපද්රව්ය තිබී හමුවූ බවය.
අදාළ එන්නත් මාත්රා තොගය භාවිතය අත්හිටුවීමට එම එන්නත් අලෙවි කරන Takeda Pharmaceutical සමාගම පියවර ගෙන තිබේ.
මේ අතර, Moderna සමාගම පවසා ඇත්තේ, සිය එන්නත සම්බන්ධයෙන් ආරක්ෂාව හෝ කාර්යක්ෂමතාව සම්බන්ධයෙන් මේ වන තෙක් කිසිදු ගැටලුවක් මතු වී නොමැති බවය.
කෙසේ වෙතත්, ජපානයේ ඇති වී තිබෙන තත්ත්වය සම්බන්ධයෙන් Takeda Pharmaceutical සමාගම සහ ජපාන ඖෂධ නියාමන ආයතනය සමග සාකච්ඡා කරන බව ද එම සමාගම පැවසීය.