කොවිඩ් මර්දන ස්පුට්නික් V පළමු එන්නත් මාත්රාවෙන්ම වයිරසය මර්දන ඉහළ ප්රතිශක්තියක් පුද්ගලයාගේ සිරුර තුළ නිර්මාණය වී ඇති බවට කළ පර්යේෂණයන්ගෙන් තහවුරුව ඇතැයි ශ්රී ජයවර්ධනපුර විශ්වවිද්යාලයේ අසාත්මිකතා, ප්රතිශක්ති විද්යා හා සෛල ජෛව විද්යායතනයේ අධ්යක්ෂ වෛද්ය චන්දිම ජීවන්දර මහතා ‘දිනමිණ‘ට ඊයේ (18) ප්රකාශ කළේය.
රුසියාවේ නිෂ්පාදිත මේ එන්නතේ පළමු මාත්රාව ගත් පුද්ගලයන් 327කගේ නියැදි සාම්පල ආශ්රයෙන් අදාළ පර්යේෂණය කළ බවත් ඔවුන්ගේ සිරුරු තුළ කොවිඩ්වලට එරෙහි සියයට 88.7ක ප්රතිශක්තිය නිපදවා ඇති බවට තහවුරු වූ බවත් ඒ මහතා පැවසුවේය.
වයස අවුරදු 60 ඉක්ම වූ පිරිසගේ එම ප්රතිශක්ති ප්රතිශතය සියයට 82.6ක් බවට තහවුරු වූයේ යැයිද හෙතෙම පැවසීය.
ස්පුට්නික් V පළමු එන්නත් මාත්රාව ගෙන සති හතරක් ගත වූ පසු මේ ප්රතිශක්තිය සිරුරු තුළ නිපදවා ඇති බවද ඒ මහතා පැවසුවේය.
ස්පුට්නික් V එන්නතේ දෙවැනි මාත්රාවද දීම සිදු කළහොත් පුද්ගලයන්ගේ සිරුරු තුළ කොවිඩ් මර්දන ඉහළ ප්රතිශක්තියක් ගොඩනැඟෙන බවත් ලෝකයේ ඇතැම් රටවල් මේ එන්නතේ පළමු මාත්රාව පමණක් ගන්නා අතර, එය ස්පුට්නික් ලයිට් ලෙස හඳුන්වන බවත් ඒ මහතා ප්රකාශ කළේය.
මේ පර්යේෂණය සඳහා ශ්රී ජයවර්ධනපුර විශ්වවිද්යාලයේ අසාත්මිකතා, ප්රතිශක්ති විද්යා හා සෛල ජෛව විද්යායතනයේ මහාචාර්ය නිලීකා මලවිගේ, ඔක්ස්ෆර්ඩ් විශ්වවිද්යාලයේ පර්යේෂකයන් වන මහාචාර්ය ඇලයින් ටවුන්සෙන්ඩ්, මහාචාර්ය ග්රැහැම් ඕග් මහත්ම මහත්මීන්ද සම්බන්ධව ඇත.
උපුටා ගැනීම දිනමිණ
ඇමරිකානු ජනාධිපති ඩොනල්ඩ් ට්රම්ප් තමන් ජේසුස් බවට අර්ථ ගන්වන ජයාරූපයක් සිය සමාජ මාධ්ය ගිණුමට එක්කර…
අද (11) මධ්යම රාත්රියේ සිට බලපැවැත්වෙන පරිදි QR ක්රමවේදයට කෝටා ක්රමයට වාහනවලට පෙට්රල් නිකුත් කිරීම…
අර්බුදය හමුවේ ජනතාවට සහන සැලසීමට ජනපතිගෙන් මාස තුනක් සඳහා රුපියල් බිලියන 100ක සහන පැකේජයක් මැයි…
ශ්රී ලංකාවේ රග්බි ක්රීඩාව වර්ධනය කිරීමේ අරමුණින් කටයුතු කරන බව පවසමින්, එයට විරුද්ධව ක්රියා කරන…
ඉරාන නායකයින් සාකච්ඡාවලට පිවිස ඇති නමුත් ඔවුන් එය ප්රකාශ කිරීමට බියෙන් පසුවන බව ඇමරිකානු ජනාධිපති…
ලෝක වනාන්තර දිනයට සමගාමීව වනාන්තර 50ක් රක්ෂිත ලෙස ප්රකාශයට පත් කිරීමට අදාළ ගැසට් පත්රයට අත්සන්…