වසර 04ක සිර දඬුවම් නියමව සිටින රන්ජන් රාමනායක මහතාගේ මන්ත්රී ආසනය පිළිබඳ සති තුනක් ඇතුළත නීති උපදෙස් ගැනීමෙන් අනතුරුව තීන්දුවක් දෙන බව කථානායක මහින්ද යාපා අබේවර්ධන මහතා ඊයේ (19) පාර්ලිමේන්තුවේදී පැවසීය.
රන්ජන් රාමනායක මහතා පාර්ලිමේන්තුවට කැඳවීමට කටයුතු නොකිරීම පිළිබඳව විපක්ෂ නායක සජිත් ප්රේමදාස මහතා යොමු කළ ප්රශ්නයකට පිළිතුරු දෙමින් කථානායකවරයා මේ බව පැවසීය.
රන්ජන් රාමනායක මහතාගේ මන්ත්රී ධුරය පිළිබඳව අධ්යයනය කිරීමකින් තොරව තීන්දුවක් ලබා දිය නොහැකි බවත් ඒ අනුව නීති උපදෙස් ගැනීම සඳහා කල් ගත වන බවත් කථානායකවරයා එහිදී පැවසීය.
රන්ජන්ගේ මන්ත්රීකම ගැන තීන්දුව සති තුනකින්
