කොවිඩ් ආසාදිතයන් වැඩි සංඛ්යාවක් හඳුනාගෙන ඇති බස්නාහිර පළාතේ සිට සෙසු පළාත්වලට කරන සංචරණය වළක්වාලීමට පියවර ගන්නා ලෙස ජනාධිපති ගෝඨාභය රාජපක්ෂ මහතා උපදෙස් ලබා දී තිබේ. ජනාධිපති කාර්යාලයේ දී දෛනිකව හමුවන කොවිඩ් කාර්ය සාධක බලකාය අද(11) පෙරවරුවේ රැස් වූ අවස්ථාවේ දී ජනාධිපතිතුමා මේ බව සඳහන් කළේය.
අද රැස්වීමේ දී කොවිඩ් ව්යාප්තිය සහ පාලනය පිළිබඳ වත්මන් තත්ත්වය මෙන්ම අනාගතයේ දී මතුවිය හැකි වෛරස ආශ්රිත රෝග පාලනය සහ ජනතාවගේ සෞඛ්ය සුරක්ෂිතතාව තහවුරු කරනු පිණිස ගත යුතු ක්රියාමාර්ග සහ අධ්යනය කළයුතු කේෂ්ත්ර ගැන ද දීර්ඝ වශයෙන් සාකච්ඡා වී ඇත. හුදකලා කර ඇති ප්රදේශ වෙත භාණ්ඩ බෙදා හැරීමට සම්බන්ධ වන පාර්ශ්ව නිවැරදි ක්රමවේද අනුගමනය කරන්නේද යන්න අඛණ්ඩව නිරීක්ෂණය කළ යුතු බවත් එම ප්රදේශවලින් ඉවතට පැමිණීමට හෝ ඊට ඇතුළුවීමට හෝ කිසිවෙකුට ඉඩ නොතබන ලෙසත් ජනාධිපති ගෝඨාභය රාජපක්ෂ මහතා බලධාරීන් වෙත උපදෙස් ලබා දී ඇත. බෝ නොවන රෝගවලින් පෙලෙන්නන් කොවිඩ් ආසාදනයෙන් බේරා ගැනීම සඳහා විශේෂ අවධානය යොමු කළ යුතු බවද මෙහිදී ජනාධිපති ගෝඨාභය රාජපක්ෂ මහතා අවධාරණය කර සිටියා.
