සමාජ මාධ්‍ය ඔස්සේ සංසරණය වූ වීඩියෝවේ දැක්වෙන දරුවෙකුට පහරදෙන සිද්ධියට සම්බන්ධ පුද්ගලයා සැඟව සිටියදී අත්අඩංගුවට පත්ව තිබෙනවා.
ඒ අද (05) අලුයම පුල්මුඩේ අරිසිමලේ ප්‍රදේශයේ දී.
සැකකරු සමඟ පහරදීමට අනුබල දීමේ චෝදනාව මත අනෙක් කාන්තාවන් දෙදෙනාද අත්අඩංගුවට ගත් බවයි පොලිසිය පවසන්නේ.
මෙලෙස අත්අඩංගුවට පත්ව ඇත්තේ වැලිඔය කල්‍යාණපුර ප්‍රදේශයේ පදිංචි 45 හැවිරිදි පුද්ගලයෙක් සහ 37 සහ 46 හැවිරිදි කාන්තාවන් දෙදෙනෙක්.
පහර කැමට ලක් වූ අවුරුදු 4 හමාරක් වයසැති දරුවා පොලීසිය භාරයට ගෙන තිබෙනවා.
