මිහින්තලේ පුදබිම තුල විවිධ කටයුතුවල යොදවා සිටි 252ක් වන ආරක්ෂක සාමජිකයින් ඊයේ (10) දිනයේ සිට ක්‍රියාත්මක වන පරිදි වහා ඉවත් කර ගැනීමට කටයුතු කරන බව ආරක්ෂක රාජ්‍ය අමාත්‍යවරයා පාර්ලිමේන්තුවේ දී පැවසුවා.
මිහින්තලය විහාරාධිපති වලවාහැංගුන වැවේ ධම්මරතන හමියන් තම ජීවිතයට තර්ජනයක් පවතින බවට කර ඇති ප්‍රකාශය සම්බන්ධයෙන් පාර්ලිමේන්තුවේදී අදහස් දැක්වීමේ දී අමාත්‍යවරයා මේ බව පැවසුවා.
විහාරාධිපති හිමියන් එවැනි ප්‍රකාශයක් සිදු කර තිබියදී ඊට පිළියමක් ලෙස ආරක්ෂාවට සිටි සමාජිකයින් ඉවත් කර ගැනීම කිසිසේත් අනුමත කළ නොහැකි බවයි විපක්ෂනායකවරයා මෙහිදී පැවසුවේ.
