සංචාරක ශ්රී ලංකා කණ්ඩායම සහ නවසීලන්තය අතර පැවති දෙවන ටෙස්ට් ක්රිකට් තරඟය ඉනිමකින් සහ ලකුණු 58කින් ජයගැනීමට නවසීලන්ත කණ්ඩායම සමත් වුණා.
තරඟයේ කාසිය වාසිය දිනූ ශ්රී ලංකා කණ්ඩායමේ ආරාධනයෙන් ප්රථමයෙන් පන්දුවට පහරදුන් නවසීලන්ත කණ්ඩායම කඩුලු 04ක් දැවී පළමු ඉනිම සඳහා ලකුණු 580ක් රැස කර සිටියදී සිය ඉනිම අවසන් කිරීමට තීරණය කළා.
පළමු ඉනිම ක්රීඩා කළ ශ්රී ලංකා කණ්ඩායම සියලු දෙනා දැවී රැස් කළේ ලකුණු 164 ක් පමණයි.
ඉනිමක පරාජයෙන් බේරීම සඳහා යළි දෙවන ඉනිම ක්රීඩා කළ ශ්රී ලංකා කණ්ඩායම දෙවනි ඉනිම සඳහා ලකුණු 358ක් රැස් කර ගත්තා.
ඒ අනුව දෙරට අතර පැවති දෙවන ටෙස්ට් ක්රිකට් තරඟය ඉනිමකින් සහ ලකුණු 58 කින් ජය ගැනීමට නවසීලන්ත කණ්ඩායම සමත් වුණා. ඒත් සමඟ ටෙස්ට් ක්රිකට් තරගාවලිය 2-0ක් ලෙස සත්කාරක නවසීලන්තය ජය ගත්තා.
