මහනුවර ශ්‍රී දළදා වහන්සේ සම්බන්ධයෙන් සමාජ මාධ්‍ය හරහා ප්‍රකාශයක් නිකුත් කළ බවට චෝදනා ලැබ සිටින සේපාල් අමරසිංහ යන අය තවදුරටත් රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් අධිකරණය නියෝග කර තිබෙනවා.
මහනුවර ශ්‍රී දළදා වහන්සේ සම්බන්ධයෙන් සමාජ මාධ්‍ය හරහා ප්‍රකාශයක් සිදුකිරීමේ චෝදනාවට සැකපිට පසුගිය 05 වනදා අපරාධ පරීක්ෂණ දෙපාර්තමේන්තුව විසින් සේපාල අමරසිංහ යන අය අත්අඩංගුවට ගනු ලැබුවා.
එලෙස අත්අඩංගුවට ගත් සේපාල අමරසිංහ අධිකරණයට ඉදිරිපත් කිරීමෙන් පසු අද (10) දක්වා රක්ෂිත බන්ධනාගාර ගත කිරීමට අධිකරණය නියෝග ලබා දී තිබුණා.
අද (10) සේපාල අමරසිංහ යන අය අධිකරණය වෙත ඉදිරිපත් කළ පසු ලබන 17 වන දා දක්වා සැකකරු තවදුරටත් රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත්වරයා නියෝග කර ඇති බව වාර්තා වෙනවා.