ගිනිකොණ දිග බෙංගාල බොක්ක සහ ඊට යාබද උතුරු අන්දමන් සාගරය ආශ්රිතව පවතින අඩු පීඩන කලාපය නොවැම්බර් මස 19 වන දින වනවිට පීඩන අවපාතයක් දක්වා වර්ධනය වී, බටහිරට බරව වයඹ දෙසට ගමන් කරමින් 2022 නොවැම්බර් මස 20 සහ21 දින වනවිට ශ්රී ලංකාවේ උතුරු වෙරළට ආසන්නව ගමන් කිරීමේ වැඩි හැකියාවක් පවතින බව කාලගුණ දෙපාර්තමේන්තුව පවසනවා.
ඒ හේතුවෙන් අද (18) සිට 21 දින දක්වා ගිනිකොණ බෙංගාල බොක්ක ප්රදේශ ආශ්රිතව මුහුදු යෑමෙන් වළකින ලෙස කාලගුණ විද්යා දෙපාර්තමේන්තුව ධීවර ජනතාවට දැනුම් දෙනවා.
උතුරු, උතුරු-මැද සහ නැගෙනහිර පළාත්වලවිටින් විට හමන පැ.කි.මී. (40-50) ක පමණ තද සුළං සහ උතුරු සහ නැගෙනහිර පළාත්වල වැසි ස්වල්පයක් ඇති විය හැකියි.
දිවයිනේ සෙසු ප්රදේශවල ප්රධාන වශයෙන් වැසි නොමැති කාලගුණ තත්ත්වයක් පවතින අතර සබරගමුව, ඌව සහ මධ්යම පළාත්වල උදෑසන කාලයේ මිදුම් සහිත තත්ත්වයක් පැවතිය හැකි බවයි කාලගුණ විද්යා දෙපාර්තමේන්තුව වැඩිදුරටත් සඳහන් කරන්නේ.
