විදේශීය

මාස තුනක බිළිදකු සමග ස්වීඩන් ඇමතිවරිය යුරෝපා සංගමේ අමාත්‍ය හමුවට ඇවිත්

ලක්සම්බර්ග් | ජූනි 26

යුරෝපා සංගම් (EU) දේශගුණික ප්‍රතිපත්ති පිළිබඳ අමාත්‍ය හමුවකදී ස්වීඩනයේ දේශගුණ හා පරිසර අමාත්‍යවරිය වන රොමිනා පෝර්මොක්තාරි (Romina Pourmokhtari) සිය මාස තුනක් වයසැති පුත්‍රයා සමඟ පැමිණියා. එය යුරෝපා සංගම් අමාත්‍ය මණ්ඩල රැස්වීමකට බිළිඳකු සහභාගී වූ පළමු අවස්ථාව ලෙස සැලකේ.

ලක්සම්බර්ග්හි පැවති මෙම රැස්වීමට බිළිඳා සමඟ පැමිණීමෙන් ඇය අදහස් කළේ, රැකියාව සහ මාතෘත්වය අතරින් එකක් තෝරාගැනීමට කාන්තාවන්ට සිදු නොවිය යුතු බව ප්‍රායෝගිකව පෙන්වා දීම බව ඇය රොයිටර්ස් පුවත් සේවයට පැවසුවා.

2022 වසරේදී අමාත්‍ය ධුරයට පත්වන විට ස්වීඩන ඉතිහාසයේ ලාබාලතම අමාත්‍යවරිය වූ 30 හැවිරිදි පෝර්මොක්තාරි, ප්‍රසූත නිවාඩුවේන පසු ඇය රාජකාරී වැඩ ස‍දහා පැමිණියා. ඇයගේ සැමියා ද මේ රැස්වීම අතරතුර දරුවා බලා ගැනීමට පැමිණ සිටීම විශේස සිද්ධියක්,

ස්වීඩනය ලෝකයේ වඩාත්ම උසස් මාපිය නිවාඩු ක්‍රමයක් ක්‍රියාත්මක කරන රටකි. දරුවකු ලැබීමෙන්ර පසු එරට දෙමාපියන්ට සමස්තයක් ලෙස මාස 16ක පමණ නිවාඩුවක් හිමිවන අතර, එයින් දින 90 බැගින් මවට සහ පියාට වෙන වෙනම වෙන් කර ඇති අතර, එම දින අනෙක් පාර්ශ්වයට පැවරිය නොහැක. මෙම ක්‍රමය පියවරුන් ද දරුවන්ගේ රැකවරණයට සක්‍රීයව දායක කර ගැනීම අරමුණු කරයි.

මෙම සිදුවීම පිළිබඳ අදහස් දක්වමින් පෝලන්තයේ නියෝජ්‍ය දේශගුණ අමාත්‍ය ක්‍රිෂ්ටොෆ් බොලෙස්ටා පැවසුවේ, දේශපාලන රැස්වීමක බිළිඳකු සිටීම කිසිදු බාධාවක් නොවන බවත්, “එය ජීවිතයේ සාමාන්‍ය කොටසක්” බවත්ය.

මෙම සිදුවීම යුරෝපය තුළ පවුල් හිතකාමී සේවා පරිසරයක්, ස්ත්‍රී-පුරුෂ සමානාත්මතාව සහ රැකියාව හා පවුල් ජීවිතය අතර සමබරතාව පිළිබඳ සාකච්ඡාවට නව අවධානයක් යොමු කර තිබේ.

උපුටා ගැනීම රොයිටර් පුවත් සේවය

Recent Posts

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

5 days ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

6 days ago

Anyone Can Post, But Should Everyone Be Believed?

One Lie is Small. A Pyramid of Them Looks Like the Truth. By Dinesh Abeywickrama…

6 days ago

ආසියා ශාන්තිකර කලාපීය විද්‍යුත් විකාශකයින්ගේ සංගමයේ මහා සමුළුවේ සමාරම්භක උත්සවය ජනපති ප්‍රධානත්වයෙන්

කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…

2 weeks ago

ජ්‍යෙෂ්ඨ නීතිඥ ලාල් විජේනායකගේ දේහයට ජනපති අවසන් ගෞරව දක්වයි

ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…

2 weeks ago

ප්‍රදේශ කිහිපයක අදත් හවසට වැස්ස

බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…

2 weeks ago