දේශීය

මත්ද්‍රව්‍යයට එරෙහි ජාත්‍යන්තර දිනය නිමිත්තෙන් කොළඹදී විරෝධතා පාගමනක්

මත්ද්‍රව්‍ය භාවිතයට හා ජාවාරමට එරෙහි ජාත්‍යන්තර දිනයට සමගාමීව අද (26) කොළඹදී විශාල ජනතා සහභාගීත්වයෙන් මත්ද්‍රව්‍ය විරෝධී පාගමනක් පැවැත්වුණා.

ගාලු මුවදොර සිට කොල්ලුපිටිය මංසන්ධිය දක්වා පැවති මෙම පාගමන මහජන ආරක්ෂක හා පාර්ලිමේන්තු කටයුතු අමාත්‍යංශය මූලිකත්වයෙන් සංවිධානය කර තිබූ අතර, ශ්‍රී ලංකා පොලීසිය, අන්තරායකර ඖෂධ පාලක ජාතික මණ්ඩලය, පුනරුත්ථාපන කොමසාරිස් ජනරාල් කාර්යාලය සහ තවත් රාජ්‍ය ආයතන රැසක් ඊට එක්ව සිටියා.

මෙම අවස්ථාවේ ප්‍රධාන ආරාධිතයා ලෙස මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතා සහභාගී වූ අතර, මත්ද්‍රව්‍යයට එරෙහි ජාතික මෙහෙයුම යටතේ මේ වන විට සැලකිය යුතු ප්‍රගතියක් අත්කරගෙන ඇති බව ඔහු සඳහන් කළා.

අමාත්‍යවරයා ප්‍රකාශ කළේ මත්ද්‍රව්‍ය ජාවාරම් මැඩපැවැත්වීම, මත්ද්‍රව්‍ය භාවිත කරන්නන් පුනරුත්ථාපනය කිරීම සහ ජනතාව දැනුවත් කිරීම සඳහා අවශ්‍ය ජාතික යාන්ත්‍රණය මේ වන විට ස්ථාපිත කර ඇති බවයි.

එමෙන්ම, අනුර කුමාර දිසානායක මහතාගේ නායකත්වයෙන් ක්‍රියාත්මක වන “රටම එකට” ජාතික මෙහෙයුම යටතේ දිස්ත්‍රික්, ප්‍රාදේශීය සහ මහජන ආරක්ෂක කමිටු මඟින් මත්ද්‍රව්‍ය උවදුර මැඩපැවැත්වීම සඳහා ඒකාබද්ධ වැඩපිළිවෙළක් ක්‍රියාත්මක වන බවද ඔහු පැවසුවා.

මෙම අවස්ථාවට අමාත්‍යවරුන්, පාර්ලිමේන්තු මන්ත්‍රීවරුන්, ප්‍රියන්ත වීරසූරිය මහතා ඇතුළු ශ්‍රී ලංකා පොලීසියේ ජ්‍යෙෂ්ඨ නිලධාරීන්, ත්‍රිවිධ හමුදා නියෝජිතයින්, රාජ්‍ය නිලධාරීන් සහ විශාල ජනතාවක් එක්ව සිටියා.

Recent Posts

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

6 days ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

7 days ago

Anyone Can Post, But Should Everyone Be Believed?

One Lie is Small. A Pyramid of Them Looks Like the Truth. By Dinesh Abeywickrama…

7 days ago

ආසියා ශාන්තිකර කලාපීය විද්‍යුත් විකාශකයින්ගේ සංගමයේ මහා සමුළුවේ සමාරම්භක උත්සවය ජනපති ප්‍රධානත්වයෙන්

කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…

2 weeks ago

ජ්‍යෙෂ්ඨ නීතිඥ ලාල් විජේනායකගේ දේහයට ජනපති අවසන් ගෞරව දක්වයි

ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…

2 weeks ago

ප්‍රදේශ කිහිපයක අදත් හවසට වැස්ස

බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…

2 weeks ago