නිල්වලා ගඟ ආශ්රිතව අවිධිමත්ව ඉදිවූ ලවණ බාධකය හේතුවෙන් ඇතිවූ ගං වතුර තත්ත්වයෙන් 2019 යල කන්නයේ සිට 2022 යල කන්නය දක්වා අනුයාත සෘතු සප්තකයක් (කන්න 7ක්) පුරා සිය වගාවන් සම්පූර්ණයෙන්ම විනාශ වී වගා කිරීමට නොහැකි වූ ගොවි ජනතාව වෙනුවෙන් 2026 අයවැය මඟින් වෙන් කරන ලද රුපියල් මිලියන 1200 ක (කෝටි 120ක) වෙන් කෙරිනි ඒ අනුව, තිහගොඩ ගොවිජන සේවා බල ප්රදේශයට අයත් පීඩාවට පත් ප්රතිලාභී ගොවීන් 781 දෙනෙකු සඳහා අද දින චෙක්පත් බෙදා දීම මිදෙල්ලවල පුරාණ මහ විහාරයේ දි සිදු කෙරුණි.
මෙම අවස්ථාවට පාර්ලිමේන්තු මන්ත්රී මහාචාර්ය එල්. එම්. අබේවික්රම මහතා, තිහගොඩ ප්රාදේශීය සභාවේ සභාපති සුදත් ජයසේකර මහතා සහභාගී වූහ. නිලධාරීන් වෙනුවෙන් කෘෂිකාර්මික හා ගොවිජන රක්ෂණ මණ්ඩලයේ මාතර දිස්ත්රික් සහකාර අධ්යක්ෂ රුමිළ ලොකුහෙට්ටි මහතා ඇතුළු ගොවිජන සංවර්ධන දෙපාර්තමේන්තුව, කෘෂිකර්ම දෙපාර්තමේන්තුව නියෝජනය කරන නිලධාරීන් සහ ප්රතිලාභී ගොවි මහත්ම මහත්මීන් විශාල පිරිසක් එක්ව සිටියහ.
