file
අග්රාමාත්ය ආචාර්ය හරිනි අමරසූරිය මහත්මිය සහ එක්සත් ජාතීන්ගේ සංවිධානයේ (UN) ශ්රී ලංකා නිත්ය සම්බන්ධීකාරක මාර්ක්-ඇන්ඩ්රේ ෆ්රැන්චේ (Marc-André Franche) මහතා අතර නිල හමුවක් 2025 දෙසැම්බර් 20 වන දින අග්රාමාත්ය කාර්යාලයේදී පැවැත්විණි.
මෑතකදී ශ්රී ලංකාව මුහුණ දුන් ස්වාභාවික ව්යසනය හමුවේ විපතට පත් ජනතාව මුදාගැනීම සහ ඔවුන්ට සහන සැලසීම වෙනුවෙන් රජය ක්රියා කළ කඩිනම් හා විධිමත් ආකාරය මෙහිදී මාර්ක්-ඇන්ඩ්රේ ෆ්රැන්චේ මහතාගේ ඇගයීමට ලක් විය.
ලොව සෙසු රටවල අත්දැකීම් හා සැසඳීමේදී, මෙවැනි ආපදා අවස්ථාවකදී ශ්රී ලංකාවට ජාත්යන්තරයෙන් ලැබෙන සහයෝගය ඉතා උසස් මට්ටමක පවතින බව ඒ මහතා පෙන්වා දුන්නේය. එමෙන්ම, සිය වෘත්තීයමය මෙන්ම පෞද්ගලික මැදිහත්වීමද උපරිමයෙන් භාවිතා කරමින් ශ්රී ලංකාවට අවශ්ය සහාය ලබා දීමට කටයුතු කරන බවද ඔහු වැඩිදුරටත් අවධාරණය කළේය.
එක්සත් ජාතීන්ගේ සංවිධානයෙන් ශ්රී ලංකාවට ලැබෙන නිරන්තර සහයෝගය අගය කළ අග්රාමාත්යතුමිය, මෙවර ආපදා කළමනාකරණ කටයුතුවලදී දේශපාලන අධිකාරිය මෙන්ම ක්ෂේත්රයේ රාජ්ය නිලධාරීන් ඉටුකළ මෙහෙවර විශිෂ්ට බව ප්රකාශ කළාය. විශේෂයෙන්ම දිස්ත්රික් නායකත්වයේ සිට ප්රාදේශීය මට්ටමේ පහළම නිලධාරියා දක්වා සියලු දෙනා ඒකාබද්ධව කටයුතු කිරීම මෙම සාර්ථකත්වයට හේතු වූ බව ඇය සඳහන් කළාය.
ලැබෙන ජාත්යන්තර සහයෝගීතාව නිසි ලෙස කළමනාකරණය කරමින්, ආපදාවට ලක්වූ ප්රදේශවල ජන ජීවිතය කඩිනමින් යථා තත්ත්වයට පත් කිරීමට රජය කැපවී සිටින බවද අග්රාමාත්යතුමිය මෙහිදී පැවසුවාය.
මෙම අවස්ථාවට අග්රාමාත්ය ලේකම් ප්රදීප් සපුතන්ත්රී සහ අධ්යාපන අමාත්යාංශයේ ලේකම් නාලක කලුවැව යන මහත්වරුන් ද සහභාගී වූහ.
අග්රාමාත්ය මාධ්ය අංශය
“යළිත් වරක් තුන් ලෝකෙට – දහම් ඇසයි උපදින්නේ !” ඒතං ඛෝ සරණං ඛේමං – ඒතං…
විනිසුරුවන් සහ නීතිඥයන්ගේ සේවා කාලය දීර්ඝ කිරීමට රජය ගෙන ඇති තීරණයට සමගාමීව, ශ්රී ලංකා ත්රිවිධ…
කොළඹ, ශ්රී ලංකාව – ශ්රී ලංකාවේ ප්රමුඛතම නෞකා ඉදිකිරීමේ සමාගම වන Colombo Dockyard PLC (CDPLC)…
සිය ධුර කාලය අවසන් කර සියරට බලායන චීන තානාපතිවරයා විපක්ෂ නායක සජිත් ප්රේමදාස මහතා හමුවෙයි…
රෝහණ විජේවීර අත්අඩංගුවට ගන්නා විට උලපනේ නිවසේ විජේවීරගේ දරුවන් බලා ගත් කේ.කේ. කරුණාවතී(කළු අක්කා), විජේවීරගේ…
මනෝජ් රත්නායක – මාධ්ය විශ්ලේෂණය වසර සියයකට අධික කාලයක් ජනතාවගේ තොරතුරු අවශ්යතා සපුරාලූ පුවත්පත්,ගුවන්විදුලි සහ…