මුදල් අමාත්යාංශයේ ලේකම් ආචාර්ය හර්ෂණ සූරියප්පෙරුම
‘දිත්වා’ සුළි කුණාටුවෙන් සිදු වූ අතිවිශාල හානියෙන් පසුව රට යළි ගොඩනැංවීම අරමුණු කරගත් ‘Rebuilding Sri Lanka’අරමුදලට ඊයේ (02) වන විට විදෙස්ගත ශ්රමිකයන් 19,000කට අධික පිරිසක් මුදල් බැර කර ඇතැයි මුදල්, ක්රමසම්පාදන සහ ආර්ථික සංවර්ධන අමාත්යාංශයේ ලේකම් ආචාර්ය හර්ෂණ සූරියප්පෙරුම මහතා පැවසීය.
මුදල්, ක්රමසම්පාදන සහ ආර්ථික සංවර්ධන අමාත්යාංශ ලේකම් ආචාර්ය හර්ෂණ සූරියප්පෙරුම මහතා විශේෂ ප්රකාශයක් කරමින් එසේ සඳහන් කළේය.
මුදල් අමාත්යාංශයේ ලේකම්වරයා සිදු කළ විශේෂ ප්රකාශයේ වැඩිදුරටත් මෙසේද සඳහන් වෙයි.
අයහපත් කාලගුණයෙන් අපේ පුරවැසියන් විශාල පිරිසක් පීඩාවට පත්ව සිටිනවා. ඒ පිරිසට අවශ්ය සහන සැලසීමට රජය මැදිහත් වෙනවා වගේම, විදෙස්ගතව සිටින ශ්රී ලාකිකයන්ගෙනුත් විපතට පත් පිරිසට අවශ්ය කරන සහාය ලබා දීමට අවස්ථාවක් ලබා දෙන ලෙසට ඉල්ලීමක් තිබුණා. ඒ වෙනුවෙන් මුදල් අමාත්යාංශය සහ අනෙකුත් රාජ්ය ආයතනවල සම්බන්ධීකරණයෙන් මෙම ක්රියාවලියට මැදිහත් වී, මේ වන විට වැඩපිළිවෙළ 02ක් අනුගමනය කරමින් සිටිනවා.
එහි පළමු වැඩසටහනට අනුව විදෙස්ගත ශ්රී ලාංකිකයන්ගෙන් ලැබෙන මූල්යමය සහාය වෙනුවෙන් ලංකා බැංකුවේ විශේෂ ගිණුම් අංකයක් ප්රකාශයට පත් කළා. මේ වන විට 19,000කට අධික විදෙස්ගත ශ්රමිකයන් පිරිසක් එහි මුදල් තැන්පත් කර තිබෙනවා.
ඒ වගේම, දෙවන වැඩසටහන යටතේ මෙරටට භාණ්ඩ එවන පිරිසට අඩු ලියකියවිලි සංඛ්යාවකින් සහ කිසිදු ගාස්තුවකින් තොරව මෙරටට භාණ්ඩ එවීමේ ක්රියාවලිය පහසු කර තිබෙනවා. ඒ වගේම එලෙස භාණ්ඩවලට අය කරන තීරුබදු සහ ගාස්තු ඉවත් කර තිබෙනවා.
මේ වැඩපිළිවෙළ කඩිනම් කිරීමට රේගු අධ්යක්ෂ ජනරාල්වරයාගේ ප්රධානත්වයෙන් කාර්යසාධක බලකායක් ස්ථාපිත කර තිබෙනවා. එබැවින් මෙරටට එවනු ලබන භාණ්ඩ ඉතා පහසුවෙන් නිදහස් කර ගැනීමට හැකියාව ලැබී තිබෙන බව කිව යුතුයි.
කෙසේ නමුත් මෙලෙස එවන භාණ්ඩවලට මෙම පහසුකම ලැබෙන්නේ ආපදා කළමනාකරණ මධ්යස්ථානයේ නමට භාණ්ඩ එවීමෙන් පමණයි. මේ පිළිබඳ වැඩිදුර තොරතුරු රේගු වෙබ් අඩවියේ දැනටමත් සඳහන් කර තිබෙනවා.
ඒ වගේම, සියලුම රටවල තානාපති කාර්යාල හරහාද මේ පිළිබඳ දැනුවත් කිරීම් කර තිබෙනවා. විදෙස්ගත ශ්රමිකයන් විසින් මෙරටට එවනු ලබන භාණ්ඩ ආපදා කළමනාකරණ මධ්යස්ථානයට ලැබීමෙන් අනතුරුව ආපදාවට පත් දිස්ත්රික්කවල දිස්ත්රික් ලේකම්වරුන් හරහා කඩිනමින් විපතට පත් වූවන් වෙත බෙදා දීමේ වැඩපිළිවෙළක් සූදානම් කර තිබෙනවා.
විදෙස්ගත ශ්රී ලාංකිකයන්ට බැංකු හරහා මුදල් එවීමට අපහසුතා පවතින්නේ නම් අදාළ රටේ තානාපති කාර්යාල හරහාද මෙරටට මුදල් එවීමට හැකියාව පවතිනවා. විදෙස්ගත ශ්රමිකයන් වශයෙන් ඔබ එවන මුදල් සහ භාණ්ඩ ලබා දෙන්නේ ඔබේ සහෝදරයාට, අසල්වැසියාට වෙන්න පුළුවන්. එම නිසා විපතට පත් වූවන්ගේ ජනජීවිතය යළි යථා තත්ත්වයට පත් කර ගැනීමට සියලුම දෙනාගේ සහාය අවශ්යයි.
පාස්කු ප්රහාරය සම්බන්ධයෙන් ත්රස්තවාදය වැළැක්වීමේ පනත යටතේ තමන් අත්අඩංගුවට ගැනීම හා රැඳවුම් නියෝගය යටතේ රඳවාගෙන…
රුපියල් මිලියන 501කට අධික මුදලක් වැයකරමින් පුළුල් කොට නව්යකරණය කරන ලද ජීව වෛද්ය ඉංජිනේරු සේවා…
ශ්රී ලංකා හිටපු ක්රිකට් නායක Anura Tennekoon විසින් ඉන්දීය ක්රිකට් ක්ෂේත්රයේ අනාගත තරුවක් ලෙස සැලකෙන…
ඓතිහාසික කලා වැව ජලාශයේ පිටවාන ප්රතිසංස්කරණ ව්යාපෘතිය අද(16) ඇරඹේ. කලා වැව ජලාශයේ දොරටු රහිත වාන්…
මාස 6ට මරණ 24ක් – රෝගීන් 41,144ක් file ඩෙංගු වසංගත තත්ත්වයක් දක්වා වර්ධනය වීමේ අවදානම…
කොළඹ ජාතික රෝහලේ නියෝජ්ය අධ්යක්ෂ ජනරාල් ලෙස පත්වීම් ලද විශේෂඥ වෛද්ය එම්.කේ.සම්පත් ඉන්දික කුමාර මහතා…