කඩුවෙල නගරාධිපති රංජන් ජයලාල් මහතා විසින් ප්‍රචාරය කළ අසත්‍ය ප්‍රකාශයක් හේතුවෙන් එක්සත් ජනරජ පෙරමුණේ නායක පාඨලී චම්පික රණවක මහතාට වන්දි මුදලක් ගෙවන්නැයි අධිකරණය නියෝග කර ඇත. මෙම නියෝගය ලැබුණේ පාඨලී රණවක මහතා විසින් පවරා තිබූ නඩුවක තීන්දුව අවුරුදු 13කට පසු කොළඹ දිසා අධිකරණය විසින් අද දිනයේ දී ලබා දෙමින් ය.
මෙම නඩුව පැවරීමට හේතු වන්නේ 2010 දී ජනාධිපති මැතිවරණ කාලයේදී, රණවක මහතා විදුලිබල අමාත්‍ය ලෙස කටයුතු කරන අතරතුර කතරගම නිවාඩු නිකේතනයකට ඇඳක් රුපියල් 80,000කට කොළඹ සිට ගෙන ගිය බවට ජනතා විමුක්ති පෙරමුණේ වෘත්තීය සමිති නායක රංජන් ජයලාල් මහතා ප්‍රකාශ කළ ප්‍රකාශය යි. අධිකරණය විසින් එම ප්‍රකාශය සම්පූර්ණයෙන් අසත්‍ය බව තීරණය කර ඇති අතර, එමඟින් පාඨලී රණවක මහතාගේ චරිතය ඝාතනයක් සිදු වූ බවත් සදහන් විය.
මාධ්‍ය හමුවේ දී රණවක මහතා ප්‍රකාශ කළේ, මෙම නඩුව ඔහු පැවරූයේ ජවිපෙ වෘත්තීය සමිති කණ්ඩායම් විසින් ඔවුන් දූෂණ විරෝධී බවත් තමන් දූෂිත බවත් පවසමින් තමන්ට එරෙහිව මඩ ගැසීමේ දේශපාලන ව්‍යාපාරයට ප්‍රතිචාරයක් ලෙස බවයි. ඔහු වැඩිදුරටත් පැවසුවේ, තමන් විදුලිබල මණ්ඩලය හා ඛනිජ තෙල් සංස්ථාව ලාභ උපයන ආයතන බවට පත් කළද, එයට විරුද්ධව වෘත්තීය සමිති ක්‍රියාමාර්ග ගෙන තම චරිතය ඝාතනය කිරීමට උත්සාහ කළ බවය.
රණවක මහතා තවදුරටත් ජනතා විමුක්ති පෙරමුණේ නායක අනුර දිසානායක මහතාට අභියෝග කරමින් ප්‍රකාශ කළේ, ඔවුන්ට වන්දි මුදල් අවශ්‍ය නැති අතර, විදුලිබල මණ්ඩල සේවකයින්ගෙන් කප්පම් ලෙස අරගෙන තිබෙන රුපියල් කෝටි සිය ගණනක් ආපසු ගෙවිය යුතු බවයි. වසර 30ක් පුරා විදුලිබල මණ්ඩලයේ සිදුකළ වංචා හා කප්පම් පිළිබඳ නිසි පරීක්ෂණයක් සිදු විය යුතු බවත්, අල්ලස් දූෂණ කොමිසම මෙම කටයුතු සම්බන්ධයෙන් පරීක්ෂණ සිදු කළ යුතු බවත්ය.
අදාළ නඩුවේදී අධිකරණය තීරණය කළේ රංජන් ජයලාල් මහතා සහ ඒ පිළිබඳ වාර්තා කළ මාධ්‍ය ආයතනය, මාධ්‍යවේදිනිය යන සියලු පාර්ශ්ව ඒ අසත්‍ය ප්‍රකාශයට වගකිව යුතු බවයි. ඔවුන්ට පාඨලී රණවක මහතාට රුපියල් මිලියනය බැගින් වන්දි ගෙවන්නැයිද නියෝග කර ඇත.
අවසානයේ, රණවක මහතා සඳහන් කළේ, මේ තීන්දුව හරහා දශක ගණනාවක් පුරා “හොරු, දූෂිතයෝ” යන චෝදනා මගින් පක්ෂ දේශපාලනය කර ඇති අයට දැඩි පිළිතුරක් ලැබී ඇති බවයි. එසේම, දූෂණ හා වංචා පිළිබඳ නිසි විගණන සහ විමර්ශන සිදු නොවන්නේ නම් ජනතා අධිකරණයක් උත්පන්න විය හැකි බවත් ඔහු අවධාරණය කර සිටියේ ය.
කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…
ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…
බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…
ශ්‍රී ලංකාව සහ තුර්කිය අතර පවතින දිගුකාලීන මිත්‍රත්වය තවදුරටත් ශක්තිමත් කරගැනීම සහ දෙරට අතර ආර්ථික…
අනුර කුමාර දිසානායක රජය බලයට පත් වූයේ මෙරට දේශපාලන ඉතිහාසයේ ක්‍රියාත්මක නොවූ ශක්තිමත් රාජ්‍ය පාලනයක්…
මීට වසර දහයකට පෙර ජාතික විද්වත් සංවිධානය ආරම්භ කළේ එවකට පැවැති ආර්ථික, සමාජීය සහ දේශපාලනික…