නියාමනය නොකළ ෆ්‍රැන්චයිසස් ලීග් සම්බන්ධයෙන් ශ්‍රී ලංකා හිටපු නායක කුමාර සංගක්කාර අදහස් දක්වා සිටිනවා.
IPL වැනි ෆ්‍රැන්චයිස් ලීග් තුළින් ක්‍රීඩකයින්ට සැලකිය යුතු අවස්ථා ලබා දෙන බව සත්‍යක් වුවද මෙම ලීග් තරඟාවලි අවදානමක් ඇති කරන බව ඔහු පෙන්වා දෙනවා.
ඒ අනුව ක්‍රීඩකයින් ඔවුන්ගේ ජාතික කණ්ඩායම් නියෝජනය කිරීමට වඩා ලාභදායි බලයලත් කොන්ත්‍රාත්තුවලට ප්‍රමුඛත්වය දිය හැකි බවට සංගක්කාර අනතුරු අඟවා සිටිනවා.
එමඟින් ජාත්‍යන්තර ක්‍රිකට් ක්‍රීඩාව හා බැඳුණු ලැදියාව සහ පක්ෂපාතීත්වය පලුදු විය හැකි බවයි ඔහු පෙන්වා දෙන්නේ.
මෙම ප්‍රවණතාවය දිගටම පැවතුනහොත්, මූල්‍ය ත්‍යාග මගින් ජාතික අභිමානය යටපත් කළ හැකි අතර එමඟින් ක්‍රිකට් ක්‍රීඩාවේ අනාගතය බරපතල අභියෝගවලට තුඩු දිය හැකි බව ඔහු පවසනවා.
ඒ අනුව ක්‍රීඩාවේ අඛණ්ඩතාව ආරක්ෂා කිරීම සඳහා ව්‍යුහාත්මක ප්‍රතිසංස්කරණවලට ප්‍රමුඛත්වය දෙන ලෙස ඔහු ක්‍රිකට් ලෝකයෙන් ඉල්ලා සිටිනවා.
ශ්‍රී ලංකා නීති විද්‍යාලයේ ජාත්‍යන්තර පර්යේෂණ සමුළුවේදී අදහස් දක්වමින් කුමාර සංගක්කාර මේ බව සඳහන් කර තිබෙනවා.
