බොරැල්ල කින්සි පාරේ පිහිටි සුඛෝපභෝගි නිවෙසක් මිල දී ගැනීමේ සිද්ධියක් සම්බන්ධයෙන් මුදල් විශුද්ධිකරණ චෝදනා යටතේ පවරා තිබූ නඩුවෙන් හිටපු අමාත්ය පාර්ලිමේන්තු මන්ත්රී මහින්දානන්ද අලුත්ගමගේ මහතා නිදහස් කිරීමට ඊයේ (30)කොළඹ මහාධිකරණය නියෝග කළා.
කොළඹ මහාධිකරණ විනිසුරු නවරත්න මාරසිංහ මහතා විසින් මෙම තීන්දුව ලබා දුන්නා.
විත්තිකරු එම දේපොළ මිල දී ගැනීමට උපයෝගි කරගත් මුදල සිය දේශපාලන ආධිපත්ය සාවද්ය ලෙස යොදවා උපයා ගත් මුදලක් බවට හෝ අල්ලසක් ලෙස නැති නම් නීති විරෝධී ක්රියාකාරකමකින් උපලබ්ධි වූ මුදල් යොදවා මිල දී ගත් දේපොළක් බව සනාථ කිරීමට ප්රමාණවත් සාක්ෂි පැමිණිල්ල විසින් ඉදිරිපත් කර නැති බවයි එහි සඳහන්ව ඇත්තේ.
හිටපු අමාත්ය මහින්දානන්ද අලුත්ගමගේ මහතාට එරෙහිව ඉකුත් යහපාලන රජය සමයේ නීතිපතිවරයා විසින් මෙම නඩුව ගොනුකර තිබුණා.
