කල් ගිය පාර්ලිමේන්තුව ඊයේ කාලා දැම්ම මහජන මුදල් කන්ඳ

එකතු කළ අගය මත හෙවත් වැට් බදු සංශෝධන පනත් කෙටුම්පත පිළිබඳ පැවති විවාදය අතරමග නතර කිරීමට කථානායකවරයා ඊයේ (10) තීරණය කළා.

ඒ විශේෂ දිනයක් ලෙස ඊයේ දිනයේ පාර්ලිමේන්තුව රැස්ව තිබියදී.

පාර්ලිමේන්තුවේ ඝණ පූර්ණය නොමැති වීමෙන් විවාදය අද දක්වා කල් තබන බවයි නියෝජ්‍ය කථානායකවරයා පාර්ලිමේන්තුවට දැනුම්දුන්නේ.

ඒ අනුව එම විවාදය යළි අද දිනයේ ද පැවැත්වීමට නියමිතයි.

තම ගැටලු විසඳීමට මහජනයා විසින් පත් කර ගත් නියෝජිතයින්ට එක් දිනක් රැස්වීමට මහජන මුදලින් කෝටියකට ආසන්න මුදලක් වැය කරණු ලබයි.

ඒ වාහන, ඉන්ධන, දීමනා, වැටුප් සමගින් සියලු මන්ත්‍රීවරුන්, ඇමතිවරුන්, නිලධාරීන්, සෙසු නිලධාරීන්, ආරක්ෂක අංශ ,සේවකයින් ට දෛනිකව වැය කරන මහජන මුදල් කන්දරාවට අමතරවයි.

වැට් බදු සංශෝධනය පිළිබඳ කෙටුම්පත අද යළි පාර්ලිමේන්තුවට ඉදිරිපත් කිරීමට නියමිත අතර කෙටුම්පතට අනුව මෙතෙක් 15%ක්ව පැවති වැට් බද්ද 18% දක්වා ඉහළ යනු ඇති.