කල්මුණේ පහරකෑ දරුවා අවසන් ගමන් යයි: ළමා නිවාසේ පාලිකාව අධිකරණයට

කල්මුණේ ළමා නිවාසයක පරිවාස භාරයේ සිටි 14 හැවිරිදි පිරිමි දරුවෙකු මියයාමේ සිද්ධියට සැක පිට ඊයේ (03) අත්අඩංගුව ගෙන රක්ෂිත බන්ධනාගාර ගත කළ පාලිකාව අද (04) යළි අධිකරණයට නියමිතයි.

පහනක් සහ සීනුවක් සොරකම් කළ බවට චෝදනා කරමින් මඩකලපුව – කොක්කුවිල් පොලිසිය විසින් 14 හැවිරිදි සිසුවෙකු පසුගිය නොවැම්බර් මස 16වනදා අත්අඩංගුවට ගෙන මඩකලපුව මහේස්ත්‍රාත් අධිකරණයට ඉදිරිපත් කිරීමෙන් අනතුරුව පරිවාස භාරයට පත් කර තිබුණා.

නොවැම්බර් මස 29 වන දින එම දරුවා මිය ගිය බවට දෙමාපියන්ට දැනුම් දී තිබෙනවා.

අනතුරුව සිදු කරනු ලැබූ මරණ පරීක්ෂණවලදී අනාවරණ වූ තිබුණේ, දරුවාගේ සිරුරේ තුවාල සහ තැලුම් පහරවල් තිබූ බවයි.

සිද්ධිය සම්බන්ධයෙන් සැෂ පිට අත්අඩංගුවට ගත් 28 හැවිරිදි ප්‍රධාන පාලිකාව පවසා ඇත්තේ, දරුවාගේ මුරණ්ඩුකම නතර කිරීමේ අරමුණින් එම පහරදීම සිදු කළ බවයි.

මිය ගිය දරුවාගේ පාදයක අගල් දෙකක් පමණ වන ගැඹුරු තුවාලයක් තිබූ බව ද ඔහුගේ පියා පවසා ඇති අතර ප්‍රශ්චාත් මරණ පරීක්ෂණයේ නිගමනය වී ඇත්තේ ආයුධයකින් පහරදීමක් ඇතිවූ තුවාල හේතුවෙන් දරුවා මියගොස් ඇති බවයි.

දරුවාගේ දේහය පිළිබඳ අවසන් කටයුතු ඊයේ (03) කොකුවිල් පොදු සුසාන භූමියේ දී සිදු කෙරුණා.

ඒ දරුවාගේ දේහය රැගෙන ඔහුගේ ඥාතින් ඇතුළු ප්‍රදේශවාසීන් කොකුවිල් පොලිසිය ඉදිරිපිට විරෝධතාවක නිරතවීමෙන් අනතුරුව යි