නිමක් නැති ගැටුමක්, අලි ප්‍රශ්නයක් බවට පත්වූ වාහල්කඩ ජනතාවගේ ජනජීවිත කබලෙන් ලිපට

අනුරාධපුර දිස්ත්‍රික්කයේ හොරොව්පොතාන ප්‍රදේශීය ලේකම් කොට්ඨාසයේ වාහල්කඩ D1 , D2 ඇතුළු ඒ අවට ගම්මාන රැසක පසුගිය මාස දෙකකට ආසන්න කාලයක් ඇතුලත නිවාස 40 කට ආසන්න ප්‍රමානයක් වන අලි බිද දමා එහි තිබු වී අස්වනු කා දමා තිබේ.

හොරොව්පොතන වනජීවී කලාපයට අයත් වාහල්කඩ ප්‍රදේශයේ පසුගිය මාස දෙක පුරාවට රාත්‍රීයේ ගම්මානයට කඩාවැදුණු වන අලි ප්‍රදේශයේ ගොවියන් වගාකළ තිබූ කොසෙල්,අඹ,මඤ්ඤොක්කා,පොල් වැනි වගාවන් හා ගොඩබෝග වගා රැසක් වන අලි විනාශ කර තිබේ.

වාහල්කඩ යාංඔය රක්ෂිතයේ සිට ගම්වදින වන අලි හේතුවෙන් කිසිදු වගවක් කර ගත නොහැකි තරමටම වාහල්කඩ D2 හා ඒ අවට ගම්මාන රැසක ජනතාව දැඩි පිඩාවකට පත්ව ඇති බව එහි ගිය අපට දක්නට ලැබිනී.

මෙලෙස මාස ගණනාවක සිට ගම්වදින වන අලි පොල් අඹ කෙසෙල් වගා භූමි අක්කර ගනනාවක් හා නිවාස 40 කට ආසන්න ප්‍රමානයක් අවස්තා කිහිපයකදී විනාශ කොට ඇති අතර ඊයේ රාත්‍රීයේ ද, මෙම ගම්මානවලට කඩා වැදුණු වන අලි මෙම ගම්මානවල ගොවි ජනතාවගේ ප්‍රධාන ජීවනෝපාය වු කෙසෙල් අඹ,මඤ්ඤොක්කා,පොල් ඇතුළු බෝග රැසක් විනාශ කර තිබීම හේතුවෙන් තම ජන ජීවිතයට මරු පහරක් එල්ල වන බව රටේ පවතින ආර්ථික අතින් පීඩාවට පත් ගම්වාසීන් පෙන්වා දෙයි.

ආර්ථික අතින් දැඩි පීඩාවකට පත්ව සිටින මෙම ගම්මානවල ගොවිජනතාව පෙන්වා දෙන්නේ අත කන උකසට තබා රජය හා රාජය නොවන මුල්‍ය අයතන මගින් උගසට හෝ ණය ට මුදල් ලබාගෙන සිදු කරනු ලබන මෙවැනි වගාවන් තම ප්‍රධාන ආදායම් මාර්ගය වීමත් වෙනත් කිසිදු ආදායම් මාර්ගයක් තමන්ට නොමැති බවත් මෙවැනි වගාවන් වලින් උපයන ධනය තම දෛනික ජීවිතය ගෙවා දැමීමට භාවිතා කළ බවයි.

මෙලෙස දිනෙන් දින වනා අලි වගාවන් විනාශ කිරීම හේතුවෙනි මින් ඉදිරියට ආදායම් මාර්ග නොමැතිව තම දෛනික ජීවිතය ගෙවා දැමීමට නොහැකි තරමින් අසරණ තාවයට පත් ව ඇති බව ඔවුන් පෙන්වා දෙනවා.

මේ අතර ගොවින් පෙන්වා දෙන්නේ වෙළෙඳ පොල තුල කෘෂි රසායනික යහමින් නොමැති පසු බීමක් තුල අධික මුදල් යොදවමින් අව්ව වැස්ස නොතකා රැයක් දහවලක් නොමැතිව දරන වෙහෙසෙහි ප්‍රතිඵල ඉතා ඉක්මනින්ම වතුරේ යන බවයි.

දිනෙන් දින අලි මිනිස් ගැටුම උග්‍ර වීම හේතුවෙන් පීඩාවෙන් පීඩාවට පත් මෙම ප්‍රදේශ වල ජනතාව මීට වගකිවයුතු බළදාරීන්ගෙන් ඉල්ලා සිටින්නේ කඩිනමින් මෙම වන අලි ගැටලුව සම්බන්ධව විසදුමක් ලබාදෙන ලෙසයි.