ජනාධිපති මන්දිරයෙන් හමුවූ මුදල් පිළිබඳ නඩුව ඉල්ලා අස්කර ගැනීමට එරෙහිව අල්ලස් කොමිසමට පැමිණිල්ලක්

අරගල සමයේ ජනාධිපති මන්දිරයේ තිබී හමුවූ මුදල් සම්බන්ධයෙන් වූ නඩු විභාගය ඉල්ලා අස්කර ගැනීම ගැන තොරතුරු ඉල්ලා අල්ලස් හා දූෂණ විමර්ශන කොමිසමට පැමිණිල්ලක් ඉදිරිපත් කර තිබෙනවා.

ඒ සමගි ජන බලවේගයේ නියෝජ්‍ය ලේකම් මුජිබර් රහුමාන් ඇතුළු පිරිසක් විසින්.

තොරතුරු දැනගැනීමේ පනත යටතේ ඔවුන් කොමිසමෙන් මෙහිදී අදාළ නඩුව ඉල්ලා අස්කර ගැනීම සම්බන්ධයෙන් තොරතුරු ඉල්ලා සිටිනවා.

මෙහිදී මාධ්‍ය වෙත අදහස් දැක්වූ මුජිබර් රහුමාන් මහතා..

“ජනාධිපති මන්දිරයේ තිබිලා එදා රුපියල් මිලියන 17කට අධික මුදලක් හමුවෙනවා. උසාවියේදී ගෝඨාභය රාජපක්ෂ මහතාගේ නීතිඥවරයා ඒ මුදල් ගෝඨාභය රාජපක්ෂට අයිති මුදල් කියලා පිළිගන්නවා. පිළිගත්තට පස්සේ අල්ලස් කොමිසම විසින් ශාක්සි නෑ කියලා නඩුව ඉල්ලා අස්කරගෙන තියෙනවා.”

“හිටපු ජනාධිපතිවරයා ඇවිල්ලා කියනවනම් මේ මගේ මුදල් කියලා ඊට වඩා සාක්ෂී ඕන නෑ.”

“මෙන්න මේ විදිහට අල්ලස් හා දූෂණ කොමිසම රාජපක්ෂලට විරුද්ධව දාපු නඩු 48ක් 50ක් විතර ඉල්ලා අස්කරගෙන තිබෙනවා.”

“අද අපි අල්ලස් හා දූෂණ කොමිසමට ආවා. නඩුව ඉල්ලා අස්කරගැනීමට තිබෙන හේතු කාරණා සියලු දේවල් තොරතුරු පනත යටතේ ලබාගන්න ඉල්ලීමක් කරා.”