දේශීය

රට බංකොලොත් කීම කුමන්ත්‍රණයක් – හිටපු මහබැංකු අධිපති

රට බංකොලොත් යැයි ප්‍රකාශ කිරීම පිටුපස කුමන්ත්‍රණයක් සිදුව ඇති බව හිටපු මහබැංකු අධිපති අජිත් නිවාඩ් කබ්රාල් මහතා පවසනවා.

තමන් ලවා එම කුමන්ත්‍රණය කර ගැනීමට බැරි වූ නිසා අවසානයේ ධුරයෙන් පහ කළ බව හිටපු මහ බැංකු අධිපති වරයා පවසනවා.

මහ බැංකු අධිපති ලෙස නන්දලාල් වීරසිංහ මුළු රටම කම්පා කරමින් රට බංකොලොත් යැයි ලෝකෙට ප්‍රකාශ කළ බවත් ඒ ගැන කිසිම කෙනෙකුට සොයාබැලීමට හෝ අවස්ථාවක් එහිදී නොලැබුණ බවත් ඔහු ප්‍රකාශ කළා.

ණය පැහැර හැර ඇති බවට වන ලිපිගොනුව කවුරුන් හෝ කල්තියා නිර්මාණය කළ ලියවිල්ලක් බවත් මෙම කටයුතු මාස ගාණක සිට සැලසුම් කර සිදුකර ඇති බවත් නිවාඩ් කබ්රාල් මහතා පවසනවා.

හිටපු මහබැංකු අධිපතිවරයා මේ බව පැවසුවේ, රට බංකොලොත් වීමට හේතු සෙවීමට පත් කළ පාර්ලිමේන්තු තේරීම් කාරක සභාව හමුවේ කරුණු දක්වමින්.

මේ සම්බන්ධයෙන් රාජ්‍ය බුද්ධි අංශය පරික්ෂණයක් සිදුකළ යුතු බව පාර්ලිමේන්තු මන්ත්‍රී වජිර අබේවර්ධන මහතා ද මෙහිදී පැවසුවා.

හිටපු මහබැංකු අධිපතිවරයා සහ වජිර අබේවර්ධන මහතා රට බංකොලොත් වීමට හේතු සොයන විශේෂ කාරක සභාවට ඊයේ (15) කැඳවා තිබුණා.

ඒ එම කාරක සභාවේ සභාපති පාර්ලිමේන්තු මන්ත්‍රී සාගර කාරියවසම් මහතා විසින්.

කාගෙන්වත් අවසරයක් නොමැතිව වැරදි ක්‍රියාවලියක් තුළින් රට බංකොලොත් යැයි ප්‍රකාශ කර ඇති බව වජිර අබේවර්ධන මහතා පවසනවා.

මෙම බංකොලොත් භාවයට මුදල් අමාත්‍යාංශයේ සහ මහ බැංකුවේ විශාල නිලධාරීන් පිරිසක් වගකිව යුතු බවයි මන්ත්‍රීවරයා පැවසුවේ.

මහබැංකුව කළ වැරදි ක්‍රියාවලියක් නිසා සමස්ත රටක් බංකොලොත් වී එය මහජන නියෝජිතයන්ගේ පිටින් ගිය බව ඔහු පවසනවා.

ඒ හේතුවෙන් අවසානයේ ජනතා නියෝජිතයින්ගේ ගෙවල් ගිනි ගත් බව මන්ත්‍රීවරයා ප්‍රකාශ කරනවා.

මෙවැනි දෙයක් වුනාම ජනතාව යා යුත්තේ ජනතා නියෝජිතයින් සොයාගෙන නොව අදාළ නිලධාරින් සිටින ස්ථාන කරා බවට ජනතාව දැනුවත් කළ යුතු බව ද මන්ත්‍රීවරියා මෙහිදී වැඩිදුරටත් පැවසුවා.

Recent Posts

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

5 days ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

6 days ago

Anyone Can Post, But Should Everyone Be Believed?

One Lie is Small. A Pyramid of Them Looks Like the Truth. By Dinesh Abeywickrama…

6 days ago

ආසියා ශාන්තිකර කලාපීය විද්‍යුත් විකාශකයින්ගේ සංගමයේ මහා සමුළුවේ සමාරම්භක උත්සවය ජනපති ප්‍රධානත්වයෙන්

කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…

2 weeks ago

ජ්‍යෙෂ්ඨ නීතිඥ ලාල් විජේනායකගේ දේහයට ජනපති අවසන් ගෞරව දක්වයි

ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…

2 weeks ago

ප්‍රදේශ කිහිපයක අදත් හවසට වැස්ස

බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…

2 weeks ago