වගා කටයුතු සඳහා යොදා නොගන්නා රාජ්ය වැවිලි සංස්ථාව සතු බලංගොඩ විහාරගල වතුයායේ ඇති අක්කර 5ක ඌන උපයෝගිතා ඉඩමක් වසර 30 ක දීර්ඝ කාලීන බදු පදනම මත වෛද්යවරුන්ගේ නිවාඩු නිකේතනයක් ඉදිකිරීම සඳහා රජයේ වෛද්ය නිලධාරීන්ගේ සංගමයට ලබාදීමේ අවබෝධතා ගිවිසුමට අත්සන් කර තිබෙනවා.
අදාළ අත්සන් තැබීම කර්මාන්ත හා වැවිලි කර්මාන්ත අමාත්ය රමේෂ් පතිරණ මහතාගේ ප්රධානත්වයෙන් පසුගියදා සිදුකර තිබෙනවා.
මෙම අවස්ථාවට රාජ්ය වැවිලි සංස්ථාවේ සභාපති ශ්රීමාල් විජේසේකර මහතා, රජයේ වෛද්ය නිලධාරින්ගේ සංගමයේ සභාපති වෛද්ය දර්ශන සිරිසේන එහි ලේකම් වෛද්ය හරිත අලුත්ගේ මහතා ඇතුළු පිරිසක් එක්ව සිටියා.
