රටේ අධ්යාපන ප්රතිපත්ති දේශපාලනයට යට කිරීමට හෝ එක් එක් අමාත්යවරයාට අවශ්ය ආකාරයට වෙනස් කිරීමට ඉඩ නොතබා එය එක් නීති රාමුවක් යටතට ගෙන එන බව ජනාධිපති රනිල් වික්රමසිංහ මහතා පවසනවා.
ආර්ථික වශයෙන් කඩා වැටුණු ශ්රී ලංකාව යළි ගොඩනඟමින් සිටින මෙම අවස්ථාවේ රට ශීඝ්ර සංවර්ධනයක් කරා ගෙන යාමට නම් නව අධ්යාපන ක්රමයක් කඩිනමින් රටට හඳුන්වා දිය යුතු බව ද ඒ මහතා අවධාරණය කර සිටිනවා.
වික්රමසිංහ මහතා මේ බව සඳහන් කර සිටියේ එප්පාවල සිද්ධාර්ථ විද්යාලයේ 150 වන සංවත්සර උත්සවයට ඊයේ (07) එක්වෙමින්.
අනාගතයේදී ශ්රී ලංකාවේ අධ්යාපන ක්රමය ලෝකයටම සරසවියක් වන ආකාරයෙන් ස්ථාපිත කිරීමට බලාපොරොත්තු වන බවත් කඩිනම් අධ්යාපන ප්රතිසංස්කරණ හරහා එම වැඩපිළිවෙළ ආරම්භ කර ඉදිරියට ගෙන යා යුතු බවත් ඒ මහතා සඳහන් කර තිබෙනවා.
වැඩිදුරටත් අදහස් දැක්වූ ජනාධිපති රනිල් වික්රමසිංහ මහතා…
“අපේ රටට නව අධ්යාපන ක්රමයක අවශ්යතාව පවතිනවා. ඉදිරි වසර විස්සට, තිහට අදාළවන අයුරින් එම නව අධ්යාපන ප්රතිසංස්කරණ සිදු කළ යුතුයි. නව තාක්ෂණය , කෘතිම බුද්ධිය, අධ්යාපන විෂය ධාරාවන්ට එක් කළ යුතුයි.“
“ඒ වගේම 1989 දී ඇසෝසියට් උපාධි ක්රමය (Associate degree) හඳුන්වා දුන්නා. නමුත් එවකට එය ක්රියාත්මක කිරීමට අවස්ථාව ලැබුණේ නැහැ. මෙම උපාධි ක්රමය හඳුන්වා දුන්නේ රැකියා ඉලක්ක කර ගනිමිනුයි. එම ක්රමය නැවත හඳුන්වා දීමට මම බලාපොරොත්තු වෙනවා.“
“ශ්රී ලංකාව ලෝකයට සරසවියක් විය යුතුයි. අධ්යාපන ප්රතිපත්තිය දේශපාලනයෙන් යට කරන්න ඉඩදෙන්නේ නැහැ. ඒ වගේම එක් එක් අමාත්යවරයාට අවශ්ය පරිදි එය වෙනස් නොකළ යුතුයි. අධ්යාපන ප්රතිපත්තිය නීතිගත කරමින් එය එක් ප්රතිපත්තියක් ලෙස ඉදිරියට ක්රියාත්මක කිරීම අපේ අරමුණ වී තිබෙනවා.“
