ඖෂධ හා උපකරණ තරගකාරීත්ව මිලදී ගැනීමේදී පවතින බාධා මඟහැරවීමට නිර්දේශ ඉදිරිපත් කිරීම සඳහා කමිටුවක් පත් කර තිබෙනවා.
ඒ පසුගිය දා රැස්වූ කැබිනට් මණ්ඩලයේ දී ගත් තීරණයකට අනුවයි.
සාමාජිකයින් 5 දෙනෙකුගෙන් සමන්විත මෙම කමිටුවේ සභාපතීත්වය මහ භාණ්ඩාගාරයේ නියෝජ්ය ලේකම්වරයෙකු වන එ.එස්. සෙනෙවිරත්න මහතාට හිමිව තිබෙනවා.
සරල හා විනිවිදභාවයෙන් යුත් ප්රසම්පාදන ක්රියාවලියක් අනුගමනය කරමින් ඖෂධ මිලදී ගැනීමේ ක්රමවේදය සකස් කිරීම හා ඊට ඇති බාධා පිළිබඳව එම කමිටුව මහජනතාවගෙන් ද යෝජනා කැඳවා තිබෙනවා.
එම යෝජනා හා අදහස් සැප්තැම්බර් 13ට පෙර සෞඛ්ය අමාත්යාංශයට ගෙනවිත් භාරදීම හෝ ඊමේල් කිරීමට හැකියි.
ලැබෙන සියලු යෝජනා සලකා බලා ඖෂධ හා උපකරණ මිලදී ගැනීමේ දී පවතින බාධා සහ ඒවායේ ප්රමිතිය සම්බන්ධ ගැටලු නිරාකරණය කිරීම සඳහා වාර්තාවක් එම කමිටුව විසින් කැබිනට් මණ්ඩලයට ඉදිරිපත් කිරිමට නියමිත බව වාර්තා වෙනවා.
