ස්ථාන මාරු නියෝග ක්‍රියාත්මක නොකරන ගුරුවරුන්ගේ වැටුප් අත්හිටුවන බවට අධ්‍යාපන අමාත්‍යාංශය දැනුම්දීමක් කර තිබෙනවා.
ගුරු ස්ථාන මාරුවීම් පිළිබඳව අවස්ථා කිහිපයක දී දැනුවත් කළ ද ඒ සඳහා ක්‍රියාත්මක නොවීම හේතුවෙන් මෙම තීරණය ගෙන ඇති බව වාර්තා වෙනවා.
පවතින ගුරු පුරප්පාඩු පිළිබඳව ද සැලකිල්ලට ගෙන මෙම තීරණය ගෙන තිබෙනවා.
සේවා අවශ්‍යතාව මත දැනට සේවය කරන පාසල්වලම රැඳවීමට විදුහල්පතිවරුන් විසින් ඉල්ලීම් කර ඇති ගුරුවරුන් ට මෙම තීරණය බලාත්මක නොකරයි.
