ධාවනාගාර සේවකයින්ගේ වර්ජනය හේතුවෙන් අද(24) ධාවනය වීමට නියමිත කාර්යාල දුම්රිය 12ක් අවලංගු වී ඇතැයි දුම්රිය දෙපාර්තමේන්තුව පවසනවා.
ඒ අනුව ප්රධාන මාර්ගයේ දුම්රිය 6 ක්, කැලණිවැලි මාර්ගයේ දුම්රිය 03ක් සහ හලාවත මාර්ගයේ දුම්රියක් එලෙස අවලංගු වන බව දුම්රිය දෙපාර්තමේන්තුව දැනුම් දෙනවා.
ඊට අමතරව මුහුදුබඩ මාර්ගයේ අලුත්ගම සිට කොළඹ බලා ධාවනය වීමට නියමිත දුම්රිය 02ක් ද අවලංගු වී තිබෙනවා.
දුම්රිය ධාවනාගාර සේවකයින් ඊයේ දහවල් සිට මෙම වර්ජනය ආරම්භ කර තිබෙන්නේ, අතිකාල කප්පාදුව, උසස්වීම් ලබා නොදීම ඇතුළු කරුණු කිහිපයක් මුල්කර ගනිමින්.
