කොකුවිල් පොලිස් වසමේ ත්රිකුණාමලය – මඩකලපුව මාර්ගයේ සර්වෝදය පාර හන්දිය අසළදී මඩකලපුව දෙස සිට එරාවුර් දෙසට ධාවනය වූ ත්රී රෝද රථයක් රියදුරුට පාලනය කර ගත නොහැකිව මාර්ගයෙන් ඉවතට පැන තාප්පයක ගැටී අනතුරක් සිදුව තිබෙනවා.
ඊයේ (09) දහවල් කාලයේ මෙම අනතුර සිදුව ඇත.
අනතුරින් තුවාල ලැබූ රියදුරු, ත්රීරෝද රථයේ ගමන් ගත් කාන්තාවක් සහ ඇයගේ බිළිදිය මඩකලපුව රෝහලට ඇතුළත් කර තිබේ.
මෙහිදී කුඩා බිළිදිය මිය ගිය බව පොලිසිය පවසනවා.
මෙලෙස මියගොස් ඇත්තේ වයස අවුරුදු 01 යි මාස 02ක් වූ පාලමුනෙ ප්රදේශයේ බිළිදියකි.
අනතුර සම්බන්ධයෙන් කොකුවිල් පොලිසිය වැඩිදුර විමර්ශන සිදුකරයි.
