Categories: දේශීය

ආදායම අනුව අධ්‍යාපනය!-උසස් අධ්‍යාපන රාජ්‍ය ඇමති⁣ගේ රට කළඹන දෙපැත්ත කැපෙන යෝජනාව

ශ්‍රී ලංකාව ආදායම අනුව අධ්‍යාපනය යන ප්‍රතිපත්තියට යා යුතු බව උසස් අධ්‍යාපන රාජ්‍ය අමාත්‍ය සුරේන් රාඝවන් පවසනවා.

ඔහුගේ අදහස වන්නේ ඉහළ ආදායම් ලබන භාරකරුවෙකු ගේ දරුවන්ටත් ඈත දුෂ්කර ගම්මානවල ඉතා අඩු ආදායම් මට්ටමක් ලබන භාරකරුවෙකුගේ දරුවෙකුටත් යන දෙදෙනාටම නොමිලේ අධ්‍යාපනය ලබා දීම සමබර ප්‍රතිපත්තියක් නොවන බවයි.

ක්‍රමවේදය දුෂ්කර පළාත්වල අධ්‍යාපනය සංවර්ධනය කිරීම මන්දගාමී වීමට හේතුවක්. උදාහරණයක් ලෙස ආයෝජන ප්‍රවර්ධන මණ්ඩලයේ (BOI) ලක්ෂ 50ක වැටුපක් ලබා ගන්නා අධ්‍යක්ෂකවරයකුගේ පුත්‍රයා කොළඹ ආනන්ද විද්‍යාලයේ නොමිලේ අධ්‍යාපනය ලබන බව ඔහු සඳහන් කළා.

ඒ සඳහා වැය වන්නේ මන්නාරම ධීවරයෙකුගේ දරුවාට පාසලක් තනා දීමට ඇති ධනය බව ඔහු මතු කරන කරුණක්. ඇතැම් සිසුන් උසස් පෙළ දක්වා අධ්‍යාපනයෙන් පසුව විදේශීය විශ්ව විද්‍යාලවල අධ්‍යාපනය පතා විදෙස් ගතවන බවත්, නමුත් එතෙක් අධ්‍යාපනය ලැබීම සඳහා කොළඹ සුප්‍රකට පාසල් සොයන බවත් සඳහන් කරනවා.

මෙසේ අධ්‍යාපනය සඳහා වියදම් කිරීම, ආදායම් මට්ටම ඇති අයට රජයේ මුදල් වෙන් කිරීම ආදායම අඩු අයගේ අධ්‍යාපනය සඳහා යෙදවීමට ඇති මුදල් නාස්ති වීමක් බව ඇමති රාඝවන් දරන මතයයි.

එමගින් ගම්බද දරුවෙකුට හොඳ අධ්‍යාපනයක් සහිත පාසලක ඉගෙනුම ලැබීමට ඇති අවස්ථාව මගහැරී යන බව ඔහුගේ අදහසයි.

එබැවින් අනාගතයේදී සිසුන් පාසලට ඇතුළත් කිරීමේදී දෙමාපියන්ගේ ආදායම සොයාබලන බව ඔහු අවධාරණය කරනවා.

තමන් සිටින්නේ නිදහස් අධ්‍යාපනය යා යුත්තේ අඩුම ආදායම් ලබන දෙමාපියන්ට වන තර්කයේ බව රාජ්‍ය අමාත්‍යවරයා පැවසුවා.

ඔහු මේ අදහස් පළ කළේ කොළඹ ඊයේ පැවති මාධ්‍ය හමුවකදී. රාජ්‍ය අමාත්‍යවරයාගේ සම්පූර්ණ කතාව පහත සබැඳියෙන් සවන් දීමට හැකියි.

Recent Posts

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

6 days ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

7 days ago

Anyone Can Post, But Should Everyone Be Believed?

One Lie is Small. A Pyramid of Them Looks Like the Truth. By Dinesh Abeywickrama…

7 days ago

ආසියා ශාන්තිකර කලාපීය විද්‍යුත් විකාශකයින්ගේ සංගමයේ මහා සමුළුවේ සමාරම්භක උත්සවය ජනපති ප්‍රධානත්වයෙන්

කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…

2 weeks ago

ජ්‍යෙෂ්ඨ නීතිඥ ලාල් විජේනායකගේ දේහයට ජනපති අවසන් ගෞරව දක්වයි

ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…

2 weeks ago

ප්‍රදේශ කිහිපයක අදත් හවසට වැස්ස

බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…

2 weeks ago