ඩී.ජෙ.සංගීතයකදී වෙඩි තබා ඝාතනයක් සිදුකළ දෙදෙනෙක් අත්අඩංගුවට

ගෙවුණු අප්‍රේල් 15 වනදා ගාල්ල , දඩල්ල ප්‍රදේශයේ පැවති ඩී.ජේ. සංගීත ප්‍රසංගයක් අතරතුර වෙඩි තබා පුද්ගලයෙකු ඝාතනය කිරීමට සම්බන්ධ සැකකරුවන් දෙදෙනෙක් අත්අඩංගුවට ගෙන ඇත.

එම වෙඩිතැබීමෙන් වයස අවුරුදු 36 ක පුද්ගලයෙක් මියගොස් වයස අවුරුදු 18 ක පුද්ගලයෙක් තුවාල ලැබූ බව පොලිසිය පවසනවා.

නීති විරෝධී මත්පැන් පෙරීම සම්බන්ධයෙන් ඇතිවූ ආරවුලක් මත මෙම ඝාතනය සිදුකර ඇති බව විමර්ශනවලදී අනාවරණය වී ඇත.

අපරාධය සිදුකළ සැකකරු හා ඊට අනුබල තවත් සැකකරුවකු ඊයේ (22) උදෑසන ගාල්ල, පියදියගම ප්‍රාදේශයේදී අත්අඩංගුවට ගෙන තිබේ.

අපරාධය සඳහා යොදාගත් 9mm වර්ගයේ ගිනි අවිය, පතරොම් ගැබක් සහ පතරොම් තුනක් ද එහිදී හමුව තිබේ.

සැකකරුවන් වයස අවුරුදු 30 සහ 32හි පසුවණ ගින්තොට හා ගාල්ල ප්‍රදේශයේ පදිංචිකරුවන් වේ.

ඔවුනං හෙට (23) ගාල්ල මහේස්ත්‍රාත් අධිකරණය වෙත ඉදිරිපත් කිරීමට නියමිතයි.