දේශීය

කෘෂිකර්මාන්තය වෙනුවෙන් ජනපති ගත් අලුත්ම තීරණය..

කෘෂිකර්ම නවීකරණ වැඩපිළිවෙළේ දී මතුව ඇති ගැටලු නීත්‍යානුකූලව නිරාකරණය කර ගැනීම සඳහා කෘෂි නවීකරණ ලේකම් කාර්යාලයක් කඩිනමින් ස්ථාපිත කරන ලෙස ජනාධිපති රනිල් වික්‍රමසිංහ මහතා නිලධාරින්ට උපදෙස් ලබා දී තිබෙනවා.

කෘෂිකර්ම ක්ෂේත්‍රයේ නවීකරණය සඳහා ප්‍රතිපත්ති රාමුවක් සකස් කිරීම පිළිබඳව ඊයේ (19) පැවති සාකච්ඡාවක දී ජනාධිපතිවරයා එම උපදෙස් ලබා දී තිබේ.

එමෙන්ම ඒ සඳහා පුද්ගලික අංශය ද දායක කර ගත යුතු බවයි ජනාධිපතිවරයා පවසා ඇත්තේ.

මේ වන විට ත්‍රිවිධ හමුදාව ද කෘෂි නවීකරණ වැඩපිළිවෙළ සමඟ අනුගතව කටයුතු කරන බව ජනාධිපතිවරයා මෙහිදී කියා සිටියේය.

තේ, පොල්, රබර්, වී, කුරුඳු, ධීවර වැනි ක්ෂේත්‍රවල සිදුකරන ලද පර්යේෂණ අනුසාරයෙන් රාජ්‍ය සහ පෞද්ගලික අංශය එක්ව ක්‍රියාත්මක කර ඇති ක්‍රියාකාරකම් ද ඇතුළත් කරමින් මෙම කෘෂි නවීකරණ ලේකම් කාර්යාලයේ ක්‍රියාකාරකම් එළිදක්වන ලෙස ද ජනාධිපතිවරයා නිලධාරීන්ට වැඩිදුරටත් උපදෙස් ලබා දී ඇත.

කෘෂි නවීකරණ ලේකම් කාර්යාලය පිහිටුවීම සහ එහි වැඩකටයුතුවල ප්‍රගතිය ලබන ජුලි මාසය වන විට තමන් වෙත වාර්තා කරන ලෙස ද ජනාධිපති රනිල් වික්‍රමසිංහ මහතා නිලධාරීන්ට දැනුම් දී ඇත.

එමෙන්ම මෙම කෘෂිකාර්මික කටයුතු වලට අවශ්‍ය ඉඩම් නිදහස් කිරීමට අදාළ ඉල්ලීම් මෙම කෘෂි නවීකරණ ලේකම් කාර්යාලය වෙත ඉදිරිපත් කිරීමෙන් අනතුරුව, එමගින් සුදුසු විසඳුම් යෝජනා කර තමන් වෙත ලබා දෙන ලෙස ද වැඩිදුරටත් උපදෙස් ලබා දී තිබේ.

මෙහිදී රුහුණු විශ්වවිද්‍යාලයේ හිටපු උපකුලපති ජ්‍යෙෂ්ඨ මහාචාර්ය ගාමිණී සේනානායක මහතාගේ සභාපතීත්වයෙන් යුතුව පත්කරන ලද කෘෂි නවීකරණය කමිටුව විසින් කෘෂිකර්ම නවෝත්පාදන ව්‍යාපෘති ක්‍රියාත්මක කිරීමට අදාළව ගනු ලැබූ තිරණ පිළිබඳව ද මෙහිදී ජනාධිපතිවරයා දැනුවත් කෙරිණි.

මෙම කෘෂි නවෝත්පාදන ව්‍යාපෘති ක්‍රියාත්මක කිරීමේ දී ඒ පිළිබඳ විශේෂඥ දැනුමක් ඇති පෞද්ගලික අංශයේ විද්වතුන්, පර්යේෂකයන් මෙන්ම රාජ්‍ය යාන්ත්‍රනය තුළ විෂය පිළිබඳ අත්දැකීම් බහුල නිලධාරීන් සහ තරුණ ප්‍රජාව ද සහභාගී කරවා ගැනීමේ වැදගත්කම ජනාධිපතිවරයා පෙන්වා දුන්නේය.

වැවිලි කර්මාන්ත, ධීවර කර්මාන්තය, මත්ස්‍ය නිෂ්පාදන කර්මාන්ත, විසිතුරු මල් පැල වගාව, එළවළු, පලතුරු හා ධාන්‍ය වර්ග නිෂ්පාදන කර්මාන්ත, කිරි, බිත්තර නිෂ්පාදනය ඇතුළු සියලු ක්ෂේත්‍ර නවීකරණයට ලක් විය යුතු බව ද ජනාධිපති රනිල් වික්‍රමසිංහ මහතා අවධාරණය කළේය.

2048 සංවර්ධිත ශ්‍රී ලංකාවක් ගොඩනැගීම සඳහා කෘෂි අංශය තුළ සිදු කළ යුතු නවීකරණ වැඩපිළිවෙල පිළිබඳ අදාල ක්ෂේත්‍රයන්හි ව්‍යාපාරික ප්‍රජාව ද සම්බන්ධ කර ගනිමින් අමාත්‍යාංශ ලේකම්වරුන්ගේ ප්‍රධානත්වයෙන් පත් කරන ලද උප කමිටු හරහා සාකච්ඡා කර ගනු ලබන තීරණ තමා වෙත දැනුම් දෙන ලෙස ද ජනාධිපතිවරයා නිලධාරීන්ට උපදෙස් දුන්නේය.


Recent Posts

සමූපකාර තොග වෙළෙඳ සංස්ථාවේ ප්‍රථම තොග අලෙවි මධ්‍යස්ථානය අද මාතරදී විවෘත කෙරේ

සමූපකාර තොග වෙළෙඳ සංස්ථාවේ (ජාතික සතොස) ප්‍රථම තොග අලෙවි මධ්‍යස්ථානය අද (11) මාතරදී විවෘත කිරීමට…

6 days ago

රඹෑව බස් අනතුරෙන් 5 දෙනෙකු මරුට

 රඹෑව ප්‍රදේශයේදී බස් 3ක් ගැටී සිදුවූ අනතුරෙන් 5 දෙනෙකු මියගොස් තිබේ. අනතුරට ලක් වුණේ, ලංගම…

7 days ago

Anyone Can Post, But Should Everyone Be Believed?

One Lie is Small. A Pyramid of Them Looks Like the Truth. By Dinesh Abeywickrama…

7 days ago

ආසියා ශාන්තිකර කලාපීය විද්‍යුත් විකාශකයින්ගේ සංගමයේ මහා සමුළුවේ සමාරම්භක උත්සවය ජනපති ප්‍රධානත්වයෙන්

කැපිටල් මහාරාජා සභාපති ශෂී රාජ මහේන්ද්‍රන් හා කැපිටල් මහාරාජා සමූහ අධ්‍යක්ෂ ෂෙවාන් ඩැනියෙල් සමඟ ජනපති…

2 weeks ago

ජ්‍යෙෂ්ඨ නීතිඥ ලාල් විජේනායකගේ දේහයට ජනපති අවසන් ගෞරව දක්වයි

ශ්‍රී ලංකාවේ ජ්‍යෙෂ්ඨ වාමාංශික දේශපාලන ක්‍රියාකාරිකයෙකු සහ ජාතික ජන බලවේගයේ (NPP) විධායක සභික අභාවප්‍රාප්ත ජ්‍යෙෂ්ඨ…

2 weeks ago

ප්‍රදේශ කිහිපයක අදත් හවසට වැස්ස

බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00…

2 weeks ago