16 හැවිරිදි කළුතර පාසල් සිසුවියගේ මරණය සම්බන්ධයෙන් පවත්වන පරික්ෂණයට අනුව ඇය මිය යෑමට පෙර ලබාගත් දුරකථන ඇමතුම් පිළිබඳව පරික්ෂණ අරඹා තිබේ.
ඒ අනුව ඇය හෝටලයේ ගත කළ අවසන් කාලසීමාවේ දී ඇය විසින් දුරකතන ඇමතුමක් ලබාගත් උපකාරක පන්ති ගුරුවරයෙකුගෙන් ඊයේ (10) පොලිසිය දීර්ඝ ප්රශ්න කිරීමක් සිදුකර ඇත.
අදාළ ප්රශ්න කිරීමේ දී උපකාරක ගුරුවරයා මියගිය සිසුවිය හොදින් හඳුනන බව ප්රකාශ කර තිබේ.
ඔහුගෙන් කළ ප්රශ්නකිරීමේ දී සිසුවිය සම්බන්ධයෙන් වැදගත් තොරතුරු රැසක් අනාවරණය වූ බව පොලිසිය පවසනවා.
කෙසේවෙතත් සිසුවිය අවසානයට ගත් දුරකථන ඇමතුම සම්බන්ධයෙන් තවදුරටත් විමර්ශන ක්රියාත්මක බව සඳහන් වෙනවා.
සිසුවියගේ මරණය සම්බන්ධයෙන් අත්අඩංගුවට ගත් ප්රධාන සැකකරු පාපොච්චාරණය කර සිටියේ මියගිය සිසුවිය ඇයට ලැබුණු දුරකතන ඇමතුමකින් පසුව ලැගුම්හලේ පස්මහලේ ජනේලයකින් බිමට පැන්න බවයි.
ඒ අනුව සිසුවියගේ දුරකතන දත්ත මත පොලිසිය විමර්ශන ආරම්භ කර ඇත.
එමෙන්ම ප්රධාන සැකකරු පැය 48 ක් රඳවා ප්රශ්න කිරීමට කළුතර මහේස්ත්රාත් නීතා හේමමාලි හාල්පන්දෙණිය මහත්මිය අවසර ලබා දී තිබේ.
