මාරවිල දිසා අධිකරණයේ සේප්පුවක තිබූ රුපියල් ලක්ෂ 22 කට අධික මුදලක් අතුරුදන් වී තිබෙනවා.
සිද්ධිය සම්බන්ධයෙන් මේ වනවිට දෙදෙනෙකු අත්අඩංගුවට ගෙන තිබෙන බව පොලීසිය පවසනවා.
අධිකරණයේ ලිපිකාරියක් හා ලිපිකරුවෙකු එලෙස අත්අඩංගුවට ගත් බව පොලීසිය පවසනවා.
අධිකරණ රෙජිස්ටාර්වරිය කළ පැමිණිල්ලකට අනුව කළ විමර්ශනයකින් අනතුරුව ඔවුන් අත්අඩංගුවට ගත් බව පොලීසිය සඳහන් කළා.
සැකකරුවන් අධිකරණයට ඉදිරිපත් කිරීමට නියමිතයි.
