චීනයේ ඉන්ධන පිරවුම්හල් 150ක් ළඟදීම මෙරට ස්ථාපනය කරන බව ශ්රී ලංකාවේ චීන තානාපති කී සෙන් හොං පවසනවා.
ඔහු මේ බව පැවසුවේ සියම් මහා නිකායේ මල්වතු පාර්ශ්වයේ මහා නායක අති පූජ්ය තිබ්බටුවාවේ ශ්රී සුමංගල නාහිමියන් බැහැදැක චීන ව්යාපෘති සම්බන්ධයෙන් කරුණු පැහැදිලි කළ අවස්ථාවේදී.
තානාපතිවරයා එහිදී අවධාරණය කළේ, චීන පෙට්රෝලියම් සමාගමේ ප්රධානියා පසුගිය වසරේ මෙරටට පැමිණි කළ සංචාරයේ ප්රතිඵලයක් ලෙස මෙම ව්යාපෘතිය සිදුකරන බවයි.
ඉන්ධන කර්මාන්තය ආශ්රිතව චීනය මෙරට සිදු කරන ආයෝජන සම්බන්ධයෙන් චීන තානාපති කී සෙන් හොං අද(28) මල්වතු – අස්ගිරි පාර්ශ්වයන්හි මහා නාහිමිවරුන් දැනුවත් කළා.
අද සවස මහනුවරට පැමිණි චීන තානාපති කී සෙන් හොං සියම් මහා නිකායේ අස්ගිරි පාර්ශ්වයේ මහා නායක අති පූජ්ය වරකාගොඩ ශ්රී ඥානරතන හිමියන් ද හමු වී ව්යාපෘති පිළිබඳව දැනුවත් කරනු ලැබුවා.
