ලංකාවට එරෙහි T20 තරගාවලිය දැවැන්ත සටනකින් පසු නවසීලන්තය ජය ගනී..
ශ්රී ලංකාවට එරෙහි පන්දුවාර 20යි 20 ක්රිකට් තරගාවලිය තරග 2-1ක් ලෙස ජය ගැනීමට නවසීලන්තය සමත් වුණා.
ඒ, අද(08) පැවති 3වන පන්දුවාර 20යි 20 තරගය අවසන් පන්දුවාරයේදී කඩුලු 4ක තියුණු ජයක් වාර්තා කිරීමත් සමගයි.
ක්වීන්ස්ටවුන් හිදී පැවැති තරගයේ කාසියේ වාසිය හිමි කරගත් නවසීලන්තය ප්රථමයෙන් පන්දු යැවීමට තීරණය කළා.
ඒ අනුව, පළමුව පන්දුවට පහර දුන් ශ්රී ලංකා කණ්ඩායම නියමිත පන්දුවාර 20 තුළ කඩුලු 06ක් දැවී ලකුණු 182ක් රැස් කළා.
කුසල් මෙන්ඩිස් ලකුණු 73ක් ලබා ගැනීමට සමත් වුණා.
පිළිතුරු ඉනිම ක්රීඩා කළ නවසීලන්ත කණ්ඩායම පන්දුවාර 19යි පන්දු 05ක් තුළ කඩුලු 06ක් දැවී ලකුණු 183ක් ලබා ගනිමින් ජයග්රාහී ඉලක්කය පසු කිරීමට සමත් වුණා.
පන්දු යැවීමේ දී ළහිරු කුමාර කඩුලු 03ක් සහ මහීෂ් තීක්ෂණ, ප්රමෝද මධුෂාන් කඩුල්ල බැගින් දවා ගත්තා.
නවසීලන්ත ඉනිමේ අවසන් පන්දුවාරයේ දී කඩුලු 03ක් අඛණ්ඩව දැවී ගියත් ශ්රී ලංකාවෙන් ජයග්රහණයේ බලාපොරොත්තු උදුරා ගැනීමට නවසීලන්ත පිතිකරුවන් සමත් වීම විශේෂත්වයක්.
