උපුල් හේරත්
අනුරාධපුර ශික්ෂණ රෝහලේ වෛද්යවරුන් නවදෙනකු සේවය හැරගොස් ඇතැයි රෝහල් ආරංචි මාර්ග කියයි.
මේ අතර වෛද්යවරුන් හය දෙනකු වසර දෙකේ සහ වසර පහේ නිවාඩු ලබා ගොස් ඇතැයි ද, එම ආරංචි මාර්ග පවසයි.
අනුරාධපුර ශික්ෂණ රෝහලේ ළමා රෝග විශේෂඥ වෛද්යවරුන් සිවු දෙනකු රට හැර යෑම නිසා එම ඒකකය පසුගියදා වසා දැමූ අතර, ප්රතිකාර ලැබූ ළමා රෝගීන් වෙනත් වාට්ටුවලට මාරු කළේය.
රජරට විශ්වවිද්යාලයේ වෛද්ය පීඨයේ මහාචාර්ය ඒකකයට අයත් එම ළමා වාට්ටුව වසා දැමීම නිසා වෛද්ය සිසුන්ට සායනික පුහුණුව ලබා ගැනීමේ අවස්ථාව ද අහිමි විය.
මේ සම්බන්ධයෙන් අනුරාධපුර ශික්ෂණ රෝහලේ අධ්යක්ෂ දුලාන් සමරවීර මහතාගෙන් කළ විමසීමකදී ඔහු සඳහන් කළේ විශේෂඥ වෛද්යවරුන් ගිය බව දන්නා බවත්, තවත් වෛද්යවරුන් පිරිසක් පිටව ගොස් ඇති නමුත් ගණන කොපමණද යන්න කිව නොහැකි බවත්ය.
මහාචාර්ය වෛද්ය සංකීර්ණ ඒකකයේ 63 වාට්ටුවේ පැන නැගී ඇති වෛද්ය හිඟය සම්බන්ධයෙන් අධ්යාපන අමාත්යංශයත්, සෞඛ්ය අමාත්යාංශයත් දැනුවත්ව සිටින බවත්, එම ගැටලුවලට තවම විසඳුමක් නැති බවත් ඔහු කීවේය.
ශික්ෂණ රෝහලේ වෛද්යවරුන් කිහිප දෙනකු නිවාඩු ලබා විදේශගත වීම කවදත් සිදුවන දෙයක් බව කී අධ්යක්ෂවරයා එය රාජකාරි ස්වභාවයක් බවද කීවේය.
සේවය අතහැර විදෙස්ගත වූ වෛද්යවරුන් වෙනුවෙන් කිහිපදෙනකු සෞඛ්ය අමාත්යංශයෙන් යොමු කර ඇති බවත් මෙලෙස වෛද්යවරුන් විදෙස්ගත වීම නිසා රෝගීන්ට විශාල බලපෑමක් එල්ල වී නැති බවත් ඔහු සඳහන් කළේය.
:උපුටා ගැනීම – ලංකාදීප පුවත්පත
ඇමරිකානු ජනාධිපති ඩොනල්ඩ් ට්රම්ප් තමන් ජේසුස් බවට අර්ථ ගන්වන ජයාරූපයක් සිය සමාජ මාධ්ය ගිණුමට එක්කර…
අද (11) මධ්යම රාත්රියේ සිට බලපැවැත්වෙන පරිදි QR ක්රමවේදයට කෝටා ක්රමයට වාහනවලට පෙට්රල් නිකුත් කිරීම…
අර්බුදය හමුවේ ජනතාවට සහන සැලසීමට ජනපතිගෙන් මාස තුනක් සඳහා රුපියල් බිලියන 100ක සහන පැකේජයක් මැයි…
ශ්රී ලංකාවේ රග්බි ක්රීඩාව වර්ධනය කිරීමේ අරමුණින් කටයුතු කරන බව පවසමින්, එයට විරුද්ධව ක්රියා කරන…
ඉරාන නායකයින් සාකච්ඡාවලට පිවිස ඇති නමුත් ඔවුන් එය ප්රකාශ කිරීමට බියෙන් පසුවන බව ඇමරිකානු ජනාධිපති…
ලෝක වනාන්තර දිනයට සමගාමීව වනාන්තර 50ක් රක්ෂිත ලෙස ප්රකාශයට පත් කිරීමට අදාළ ගැසට් පත්රයට අත්සන්…