දේශපාලඥයින්ටත් වඩා ඉහළට ගොස් රාජ්ය සේවා මාෆියාව බලපෑම් කරන තත්වයක් උද්ගතව ඇති බව අපරාධ පරීක්ෂණ දෙපාර්තමේන්තුව වෙත කැඳවූ මාධ්යවේදියෙක් ප්රකාශ කරනවා.
රාජ්ය නිලධාරීන් සම්බන්ධයෙන් තමන් ලියු සාක්ෂි සහිත පුවත් සම්බන්ධයෙන් අද (28) අපරාධ පරීක්ෂණ දෙපාර්තමේන්තුව වෙත කැඳවා පැය තුන හමාරකට අධික කාලයක් ප්රශ්න කර සිටි බව ඔහු පවසනවා.
මාධ්යවේදීන්ට මාධ්ය නිදහස භාවිතා කිරීමට හා සාක්ෂි සහිතව යමක් ලිවීමේ හැකියාව නැති තත්වයක් ඇතිව ඇති බව ඔහු ප්රකාශ කළා.
වංචා දූෂණ හෙළිකරමින් දේශපාලනඥයින් ගැන තමන් ලියූ කිසිවක් මෙහිදී ප්රශ්න නොකළ බවත් ආරක්ෂක ලේකම්, පොලිස්පති ඇතුළු රාජ්ය නිලධාරීන් සම්බන්ධයෙන් ලියූ පුවත් අපරාධ පරීක්ෂණ දෙපාර්තමේන්තුව විසින් ප්රශ්න කර සිටි බවත් ඔහු පෙන්වා දෙනවා.
නිත්යානුකූල නොවන ආකාරයට ඉහළ රාජ්ය නිලධාරීන් සිදුකරන මෙම රාජ්ය සේවා මාෆියාවට විරුද්ධව සියලු දෙනා එකතු විය යුතු බව ඔහු මෙහිදී අවධාරණය කර සිටියා.
විස්තර සහිත විඩියෝව පහතින් ,