අඩු ආදායම්ලාභී පවුල් ලක්ෂ 29කට නොමිලේ සහල් බෙදාදීමේ වැඩසටහන ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානි සාගල රත්නායක මහතාගේ ප්රධානත්වයෙන් ඊයේ (26) කොළඹ දිස්ත්රික්කයෙන් ආරම්භ විය.
තිඹිරිගස්යාය ප්රාදේශීය ලේකම් කොට්ඨාසයට අයත් දෙමටගොඩ, නාරාහේන්පිට සහ වැල්ලවත්ත ප්රදේශ කේන්ද්ර කර ගනිමින් එම වැඩසටහන ක්රියාත්මක කෙරිණි.
ඒ අනුව දෙමටගොඩ, මිහිඳුසෙන්පුර ප්රජා ශාලාවේදී ප්රතිලාභීන් 995 දෙනෙකු වෙනුවෙන් ද, නාරාහේන්පිට දාබරේ මාවත ප්රජා ශාලාවේ දී ප්රතිලාභීන් 448 දෙනෙකු වෙනුවෙන් ද, වැල්ලවත්ත රන්ජන් විජේරත්නපුර ප්රජා ශාලවේ දී ප්රතිලාභීන් 169 දෙනෙකු වෙනුවෙන් ද සහල් මලු බෙදාදීම සිදු විය.
2022/ 2023 මහ කන්නයේ රජයේ වී මිලදී ගැනීම් සහ වී තොග බැහැර කිරීමේ වැඩසටහන යටතේ අඩු ආදායම්ලාභී පවුල් වෙත නොමිලේ මෙම සහල් බෙදා දීමේ වැඩසටහන ජනාධිපති රනිල් වික්රමසිංහ මහතාගේ උපදෙස් පරිදි ක්රියාවට නංවා තිබේ. එක් පවුලකට මසකට සහල් කිලෝග්රෑම් 10 බැගින් මාස දෙකක් සඳහා නොමිලේ බෙදා දෙනු ලබයි.
මෙම සහල් සහනාධාරය මීට පෙර පවුල් ලක්ෂ 20කට ලබා දීමට සැලසුම් කර තිබුණ ද පසුව එය ලක්ෂ 29 දක්වා වැඩි කිරීමට ජනාධිපතිවරයාගේ උපදෙස් පරිදි පියවර ගැනුණු අතර කොළඹ, ගම්පහ, කළුතර, මහනුවර, රත්නපුර, ගාල්ල, මාතර ඇතුළු දිස්ත්රික්ක කිහිපයක පළමු අදියර යටතේ වැඩසටහන ක්රියාත්මක කෙරේ.
දෙමටගොඩ, මිහිඳුසෙන්පුර ප්රජා ශාලාවේ පැවති වැඩසටහනේ දී අදහස් දැක්වූ සාගල රත්නායක මහතා පෙන්වා දුන්නේ ශ්රී ලංකාව ආගාධයකට යමින් තිබු අවස්ථාවකදි එහි හැරවුමක් සනිටුහන් කිරීමට ජාත්යන්තර මූල්ය අරමුදල සමඟ ඇති කරගත් වැඩසහනින් හැකියාව ලැබුණු බවයි.
:ජනාධිපති මාධ්ය අංශය
නිල්වලා ගඟ ආශ්රිතව අවිධිමත්ව ඉදිවූ ලවණ බාධකය හේතුවෙන් ඇතිවූ ගං වතුර තත්ත්වයෙන් 2019 යල කන්නයේ…
අස්වැසුම සුබසාධක ප්රතිලාභ යෝජනා ක්රමයේ දෙවැනි අදියර යටතේ ප්රතිලාභී පවුල් 270,025ක් සඳහා රුපියල් මිලියන 3,287.16ක…
යුරෝපය පුරා පවතින දැඩි උණුසුම් කාලගුණික තත්ත්වය හේතුවෙන් ප්රංශයේ ළමුන් දෙදෙනෙකු ඇතුළු පුද්ගලයන් 18දෙනෙකු ජීවිතක්ෂයට…
මෙරටට පැමිණ සිටින ඇමරිකා එක්සත් ජනපදයේ දකුණු සහ මධ්යම ආසියානු කටයුතු පිළිබඳ සහකාර රාජ්ය ලේකම්…
බස්නාහිර පළාත තුළ සීග්රයෙන් ඩෙංගු ව්යාප්තිය වැඩි වන බව ශ්රී ලංකා මහජන සෞඛ්ය පරීක්ෂකවරුන්ගේ සංගමයේ…
පාසල් දරුවන් අතර බෝ නොවන රෝග ව්යාප්තිය පාලනය සඳහා ‘සෞඛ්යවත් පාසල් ආපනශාලා මාර්ගෝපදේශය’ නිල වශයෙන්…