ජාතික ජන බලවේගය ඉකුත් 26 වන දා කොළඹ ලිප්ටන් වටරවුමේ සංවිධානය කර තිබූ විරෝධතාවය අතර තුර තුවාළ ලබා රෝහල් ගත කිරීමෙන් පසු ජීවිතක්ෂයට පත් වූ ජාතික ජන බලවේගයේ නිවිතිගල ප්රාදේශීය සභාවට තරඟ කළ නිමල් අමරසිරි මහතාගේ අවසන් කටයුතු ඊයේ (01) නිවිතිගල ඒ මහතාගේ නිවසේදී සිදු කෙරුණා.
එම අවස්ථාව සඳහා ජාතික ජන බලවේගයේ නායක අනුර කුමාර දිසානායක, ජාතික ජන බලවේගයේ සංවිධයකයින් ඇතුළු විශාල පිරිසක් පැමිණ සිටියා.
මැතිවරණය පවත්වන ලෙස ඉල්ලා ජාතික ජන බලවේගය විසින් සංවිධානය කර තිබූ විරෝධතාවයට පොලිසිය විසින් එල්ල කළ කඳුළු ගෑස් සහ අධි පීඩන ජල ප්රහාරයන්ගෙන් තුවාල ලබා නිමල් අමරසිරි මහතා රෝහල් ගත කර සිටියදී ජීවිතක්ෂයට පත් වුණා.
