(නිමල් ජයරත්න)
විවිධ බාධක, අභියෝග හමුවේ හුබස් බැඳ ඇති කුඩා පැල්පතක විදුලි පහසුකම් නොමැතිව පොල්තෙල් පහනේ ආලෝකයෙන් ඉතා අලංකාර ලෙස චිත්ර අඳින දක්ෂ දියණියක් පොළොන්නරුවල වැලිකන්ද කාලිංගවිල ගම්මානයෙන් අපට හමුවිය.
රාත්රී කාලයේ දී ගෙවත්තට එන වන අලින් රතිඤ්ඤා දමා පලවා හරිමින් නැවතත් පොල්තෙල් පහනේ ආලෝකයෙන් චිත්ර අදින්නීය.
මෙලෙස බාධක දුක් කම්කටොලු මැඬ ගනිමින් අපූරු චිත්ර මවන්නේ වැලිකන්ද කාලිංගවිල අංක 12 ජී ලිපිනයේ කේ.ජී. කාව්යා අන්ජලී දියණියයි, අසේලපුර මහා විද්යාලයේ ඉගෙනුම ලබන ඇය මෙවර අධ්යාපන පොදු සහතික පත්ර උසස් පෙළට පෙනී සිටින ශිෂ්යාවකි.
ඇයගේ පියා කුලී වැඩ කරමින් සිටින අතර මව විවිධ බාධක මැද කුඩා නිවෙසේ තවත් දියණියක සහ මව සමග ජීවත් වන්නීය, අසේලපුර මහා විද්යාලයේ චිත්ර විෂය සඳහා ගුරුවරයකු ද නොමැතිව තම කලා හැකියාව අනිත් සහෝදර සිසුන්ට චිත්ර කලාව ඉගැන්වීමට ස්වේච්ඡාවෙන් ඉදිරිපත් වී සිටීම විශේෂත්වයකි.
කාව්යා අන්ජලී දියණිය චිත්ර කලාවෙන් කලාප, පළාත් මට්ටමින් ජයග්රහණ රැසක් ලබාගෙන තිබෙන අතර ඇයට හරිහැටි චිත්ර ඇඳීම සඳහා අවශ්ය තීන්ත වර්ග, චිත්ර පොත්, මෙන්ම අනෙකුත් පහසුකම් නොමැති වීම ද ප්රධාන ගැටලුවකි.
ඕනෑම පුද්ගලයකුගේ රූපයක් විනාඩි කිහිපයක් ඇතුළත ඇඳීමට තරම් කාව්ය අන්ජලී ශිෂ්යාව චිත්ර කලාවෙන් ඉදිරියට ගොස් හමාරය.
වර්ෂා දිනවල දී ඇද හැලෙන වැහි වතුර ප්රධාන දොරටුවෙන් ඇතුළට ගලා එන විට තම මිත්තණිය සමඟ අන්ජලී වැහි වතුර නැවත ‘මිදුලට දැමීම සඳහා මහා සටනක් කරන්නීය.
මම කැමතියි චිත්ර ඇඳලා ලොකු වෙනකොට අපි වගේ දුප්පත් අසරණ අයට උදව් කරන රස්සාවක් හොයා ගන්න. අපේ අම්මට තාත්තට හරි හමන් රස්සාවක් නැති නිසා මගේ මේ කලා හැකියාවන්ට උදව් පදව් කරන්ඩ ආර්ථික ශක්තියක් නෑ.
අපේ පාසලේ චිත්ර ගුරුවරයෙක් නැතිව තමයි මම මේ තරම් ඉහළට ගිහිල්ලා ඉන්නේ. මම තමයි අපේ පාසලේ අනිත් ළමයින්ටත් පුළුවන් විදිහට චිත්ර අදින්න උදව් කරන්නේ. ඒත් මට චිත්ර අඳින්න හරිහැටි හොඳ චිත්ර පොත් තීන්ත වර්ග නෑ. ඒ වගේම ගෙදරට ලයිට් නැති නිසා පොල්තෙල් පහනේ එළියෙන් තමයි චිත්ර අඳින්නේ. වල් අලි ගෙවත්තට ආවට පස්සෙ රතිඤ්ඤා දාලා වල් අලි එළවලා ආයෙත් ගෙට ඇවිල්ලා මම චිත්ර අඳින්න පටන් ගන්නවා. මේ ප්රදේශයට තියෙන ලොකු ගැටලුව තමයි වන අලි ගැටලුව. වැලිකන්දේ අපි වන අලින්ගෙන් විඳින පීඩාවන් ගැනත් මම චිත්ර ඇඳලා අදාළ තැන්වලට යවලා තියෙනවා. ඒත් එව්වට පිළියම් නෑ. කාව්ය අන්ජලී දියණිය දෑසේ කඳුළු පුරවා ගනිමින් ඇයගේ සංවේදී කතාව එලෙස දිග හැරියාය.
උපුටා ගැනීම – ලංකාදීප පුවත්පත
ඉන්දියාවේ තමිල්නාඩු ප්රාන්තයේ චෙන්නායි නගරයේ කොයම්බේඩු පාලම අසලදී සිදු වූ අනතුරකින් වයස අවුරුදු 18ක් වූ…
දේපළ වෙළඳාම් ක්ෂේත්රයේ දශක තුනක අත්දැකීම් සහිත ප්රයිම් සමූහය, 2026 වසරේ Real Estate Asia Awards…
ලබන වසර සඳහා ගල්අඟුරු ආනයනය කිරීමේදී බාල ප්රමිතියෙන් යුත් නිෂ්පාදන රට තුළට ඇතුළුවීම වැළැක්වීම සඳහා…
ටපු අමාත්ය බැසිල් රාජපක්ෂ මහතා අත්අඩංගුවට ගෙන අධිකරණයට ඉදිරිපත් කරන ලෙස නියෝග කරමින් මාතර සහ…
"සහකම්පනයෙන් යුතු වෛද්යවරයෙකු බිහි කිරීමට හැකි නව මුහුණුවරක් ශ්රී ලංකාවේ වෛද්ය අධ්යාපනයට එක් කළ යුතුයි"…
මෙවර වෙසක් සමය තුළ උතුරු පළාතේ දන්සල් පැවැත්වීමට සහ වෙසක් සැරසිලි කිරීමට උතුරු පළාත් ආණ්ඩුකාරවයා…