පාපන්දු ලෝක කුසලානය ආජන්ටිනාව දිනා ගනී

2022 මෙවර ලෝක කුසලානය තමන් සතු කර ගැනීමට ලියනොල් මෙසී ප්‍රමුඛ ආජන්ටිනා කණ්ඩායම ඊයේ (18) සමත් වුණා. ඒ ගියවර ලෝක ශූරයන් වන ප්‍රංශය 4- 2 ලෙස දඩුවම් පහරින් පරාජයට පත් කරමින්.

තරඟයේ පළමු අර්ධය අවසන් වන විට ආජන්ටිනාව ගෝල 2 ට 0 ක් ලෙස ඉදිරියෙන් සිටිය අතර තරඟයේ දෙවැනි අර්ධය වන විට ප්‍රංශය ද ගෝල 2 ක් ලබා ගැනීමට සමත් වුණා.

දෙපිලම 2-2 ක් ලෙස ගෝල වාර්තා කිරීම නිසා ජයග්‍රාහණය තීරණය කිරීම සඳහා අමතර කාලයක් ලබා දීමට විනිසුරුවන් තීරණය කළා.

අතිරේක තරඟ කාලයේ කණ්ඩායම් දෙකම ගෝල 1 බැගින් වාර්තා කිරීම නිසා ගෝල 3- 3 ක් ලෙස නැවත ලකුණු සම තත්වයට පැමිණුනා.

ඉන්පසු විනිසුරුවන් විසින් ලබා දුන් දඩුවම් පහර අවස්ථාවේ දී දඩුවම් පහර 4 ක් සාර්ථක කර ගැනීමට ආජන්ටිනා කණ්ඩායම සමත් වු අතර ප්‍රංශයට එහිදි සාර්ථක කර ගැනීමට හැකි වූයේ දඬුවම් පහර 2 ක් පමණයි.

ඒ අනුව 4 ට 2 ක් ලෙස ( දඩුවම් පහර ) අවසන් මහා තරඟය ජයග්‍රහණය කිරීමත් සමඟ 2022 මෙවර පාපන්දු ලෝක කුසලානය තමන් සතු කර ගැනීමට ආජන්ටිනාව (18) සමත් වුණා.

ලෝක පූජිත පාපන්දු ක්‍රීඩකයෙකු ලෙස සැලකෙන ආජන්ටිනා කණ්ඩායමේ නායක ලියනොල් මෙසී සහභාගි වූ අවසන් ලෝක කුසලාන තරඟයේදී නැවතත් ආජන්ටිනාවට පාපන්දු ලෝක කුසලානයක පහස රැගෙන ඒමට මෙසී ප්‍රමුඛ ආජන්ටිනා කණ්ඩායමට හැකි වීම විශේෂත්වයක් වූවා.